Ғ.Мүсірепов атындағы Қазақ мемлекеттік академиялық балалар мен жасөспірімдер театры 18-19 маусым күндері «ЕСТАЙДЫҢ ҚОРЛАНЫ» атты қойылымның премьерасы өтеді, деп хабарлайды театрдың баспасөз қызметі.
«ЕСТАЙДЫҢ ҚОРЛАНЫ» махаббат – намасының авторы ақын Иран – Ғайып. Мұнда қазақтың бір туар ақыны, әнші Естай мен Қорланның жарты ғасырдан астам уақыт өтсе де, бір-біріне шексіз махаббаты мен сүйіспеншілігі суреттеледі. Қазақ руханиятындағы әйгілі махаббат оқиғасын сахнаға шығарған қоюшы режиссер ҚР еңбек сіңірген артисі Мұрат Ахманов, Қоюшы суретшісі құм графикасын жасаған Индира Ихсан. Сонымен қатар, театр актерлері өнер көрсететін болады.
