Облыс орталығының басшысы баспанасыз адамдарға байланысты тұрғындардың шағымынан кейін шара қолданды, деп жазады Қамшы ақпараттық агенттігі.
YK-news.kz порталының хабарлауынша, Үлбі өзенінің бойына жиналған үйсіз-күйсіз адамдар күнде ішкілікке салынып, айқайға басып, тұрғындардың мазасын қашыратын көрінеді. Мұны естіген Өскемен қаласының әкімі Қуат Тумабаев баспанасыздар жиналған аймаққа барды. Сондай-ақ, әкіммен қоса қала прокуроры мен полицей басшысы еріп барған.
Өскемен қаласы әкімінің баспасөз хатшысының хабарлауынша, баспанасыз адамдар қаладан шығарылып, Глубоковское ауданы Белоусовка ауылындағы бейімделу орталығына жөнелтілді.
Шолшуы: Гүлім Жақан
Оставить комментарий