Атмосфералық фронттардың өтуіне байланысты республикамыздың кей жерлерінде жауын-шашын жауады. Сонымен бірге, кей жерлерінде желдің күшеюі мен тұман, бұрқасын, көктайғақ күтіледі деп хабарлайды Қазгидромет.
Ақмола, Қостанай, Солтүстік Қазақстан, Ақтөбе облыстарының кей жерлерінде бұрқасын, көктайғақ, жел 15-20 м/с, Солтүстік Қазақстан, Ақтөбе облыстарында тұман күтіледі.
Қарағанды, Жамбыл, Шығыс Қазақстан облыстарының кей жерлерінде тұман, жел 15-20 м/с, Қарағанды облысында көктайғақ күтіледі. Қызылорда облысының күндіз кей жерлерінде жел 15-20 м/с күшейеді. Батыс Қазақстан облысының кей жерлерінде тұман, көктайғақ болады. Маңғыстау, Атырау, Павлодар облыстарының кей жерлерінде тұман күтіледі.
