Германияның Рейнланд-Пфальц, Солтүстік-Рейн-Вестфалия және Бавария штаттарында нөсер жауып, су тасқыны кезінде 164 адам қаза тапты. Бұл туралы Анадолы ақпарат агенттігі хабарлады.

Кобленц полициясының мәлімдеуінше, Рейнланд-Пфальц штатында су тасқыны кезінде қаза тапқандар саны 117-ге, жарақат алғандар саны 749-ға жеткен. Солтүстік Рейн-Вестфалия штатының ішкі істер қызметі штатта су тасқынынан қаза тапқандар саны 47-ге дейін өскенін мәлімдеді.

"Бавария штатында су тасқынынан қайтыс болған адам саны 164-ке жетті. Қазіргі таңда су тасқынынан зардап шеккен аудандарда іздестіру-құтқару жұмыстары және қоқыстарды тазарту жұмыстары жалғасуда" делінген хабарламада.

17 шілдеде президент Қасым-Жомарт Тоқаев Германия канцлері Ангела Маркельге табиғи апаттан қаза болғандарға байланысты көңіл айту жеделхатын жолдаған.