Окинава маңында шиеленіс: Жапония "Қытай соғыс ұшақтары радар бағыттады" деп мәлімдеді

Жапония "Қытайдың J-15 жойғыштары Окинава жанында жапон әскери ұшақтарына радар нысанасын бағыттады" деп жариялап, бұл әрекетті “өте қауіпті” деп атады. Токио Пекинге ресми наразылық нотасын жолдады.

Қорғаныс министрі Синдзиро Коидзуми Жапония аймақтағы тұрақтылықты сақтау үшін “қатаң әрі салмақты” жауап беретінін айтты. Ал Қытай керісінше, жапон ұшақтары Қытайдың алдын ала жарияланған оқу-жаттығуын әдейі бұзды деп мәлімдеп, айыптауларды “жалған” деп атады.

Бұл – соңғы жылдардағы ең өткір әуе қақтығыстарының бірі. Тараптар арасындағы шиеленіс Тайвань мәселесінен кейін күрт артқан. Жапония Қытай Тайваньға күш қолданса, оның қауіпсіздігіне тікелей ықпал етуі мүмкін деп алаңдайды.

АҚШ әзірге жағдайға ресми реакция білдірмеді, бірақ Австралия Жапонияға қолдау көрсетті. Қытайдың Ляонин әуе тасығышы мен жойғыштарының белсенділігі, сондай-ақ аймақтағы 100-ден астам қытай кемесінің қозғалысы күшейген.

Тайвань билігі Қытайдың әрекеттерін “психологиялық қысым” деп бағалап, күштік көрсетілім аймаққа қатер төндіретінін ескертті.