UFC чемпионы Хабиб Нұрмағамедовтың әкесі комаға түсті. Бұл туралы Спорт-Экспресс сайты хабарлады.
Бұған дейін 57 жастағы Нұрмағамедов Дағыстанда коронавирус жұқтырды деген күдікпен ауруханаға жатқызылды.
"Абдулманап Нұрмағамедовтың жағдайы ауыр. Қазір Мәскеу қаласындағы ауруханада комада жатыр. Оны Дағыстанда дұрыс емдемеді, содан кейін жағдайы нашарлап кетті. Кейін ұшақпен Мәскеудегі әскери ауруханаға алып кетті. Қазір ол ауруханада жалғыз, туыстарын кіргізбейді" делінген дағыстандық басылымда.
Абдулманап Нұрмағамедов әлемге әйгілі 18 чемпион спортшыны жаттықтырған.
Оставить комментарий