Қазақстандық боксшы Геннадий Головкин мен жапондық Риота Мурата 28 желтоқсанда Токиода кездесу туралы келісімге келді, деп хабарлады sports.kz сайты.
Кездесуде орта салмақтағы үш чемпиондық белбеу сарапқа салынады.
Головкин (41-1-1, 36 КО) IBF және IBO тұжырымдары бойынша әлем чемпионы. Жапондық боксшы (16-2, 13 КО) WBA тұжырымы бойынша суперчемпион. 35 жастағы Риота қазақстандық боксшыдан 4 жасқа кіші. Ол спортта жапон халқының атын шығарып жүрген белгілі тұлғалардың бірі саналады.
Бұған дейін олардың кездесуі 31 желтоқсанда өтуі мүмкін екені хабарланған.
Оставить комментарий