Кәсіби теннисшілер қауымдастығы (АТР) мен әйелдер теннисі қауымдастығы (WTA) әлемдік рейтингті жаңартты деп, хабарлады Olympic.kz. 

"Қазақстан командасының үздігі Александр Бублик 39-орнын сақтап қалды. Михаил Кукушкин бес сатыға сырғып, 132-орынға тұрақтады. 

Ерлер арасында Новак Джокович (Сербия)  көш бастап тұр. Екінші орында ресейлік Даниил Медведев, үшінші сатыда испандық Рафаэль Надаль. 

Қазақстан әйелдер командасының үздігі Елена Рыбакина 20-орында. Юлия Путинцева 35-сатыға оралса, Зарина Дияс ТОП-100 қатарынан шығып қалды" делінген хабарламада. 

Әйелдер рейтингінде австралиялық Эшли Барти көш бастап тұр. Екінші орында жапониялық Наоми Осака, үшінші сатыда Беларусь өкілі Арина Соболенко орналасқан.