Бүгін Үкімет Қазақстанның мемлекеттік қарызы 39,1 трлн теңгеге жеткенін хабарлады. Бұл – жалпы ішкі өнімнің (ЖІӨ) 21,1%-ы. Қаржы министрі Мәди Такиев Үкімет отырысында осындай мәлімет келтірді.
Шын мәнінде, Қазақстанның жалпы сыртқы қарызы 170,5 млрд доллардан, яғни 88 трлн теңгеден асады. Осындай мәліметті өткен аптада ғана Ұлттық банк жариялаған. Бұл 2025 жылғы 1 сәуірдегі жағдай.
Тәкиев жалпы ішкі өнімнің өсу қарқыны туралы айтты. Оның пікірінше, соның арқасында оң динамика сақталған. Егер 2020 жылы мемлекеттік қарыз мөлшері ЖІӨ-нің 29,2% құраса, 2024 жылы ол 23,5% болған.
– Осылайша, мемлекеттік қаржыны басқарудың 2030 жылға дейінгі тұжырымдамасында белгіленген ЖІӨ-ге 32% -дық мемлекеттік қарыз лимиті сақталады, – деп сендірді министр.
Үкімет берешекті 2,5 млрд долларға еуробонд шығару арқылы өтеуді де жоспарлап отыр. Қаржы министрлігі құнды қағаздарды биыл 24 маусымда саудаға шығарған.
Өткен аптада ғана Қазақстан үкіметі Ислам даму банкінен 1,1 млрд долларға дейін несие алғалы жатқаны мәлім болды. 11 шілдеде Ұлттық банк төрағасы Тимур Сүлейменов Қазақстанның сыртқы қарызы аса көп емес деп есептемейтінін айтқан.
