Assem Almuhanbet

9-шы сыныпта оқып жүргенде журналист боламын деп шештім. Алғашқы мақаламды жергілікті «Талғар» газетіне 14 жасымда жарияладым. 17 жасымда Абай атындағы ҚазҰПУ-дың журналистика кафедрасының студенті атандым. Теория мен тәжірибені қатар алып жүру үшін «Дала мен қала» газетінде штаттан тыс журналист болып жұмысқа тұрдым. Газеттен тәжірибе жинағаннан кейін тележурналист болу арманына қол жеткізу үшін «Айтуға оңай» бағдарламасында, балаларға арналған «ABC+» пен «Баламен бетпе бет» жобасында, «Экономика және адамдар», «Бір сәт» бағдарламаларында режиссердің ассистенті, монтаж жөніндегі редактор, журналист, редактор болып қызмет атқардым. • «Болашақ» бағдарламасының стипендиаты. • TEDxKazakh тобының мүшесі. TEDx видеоларын ағылшын тілінен қазақ тіліне аударып жүрген аудармашы. • Profi Asia тіл курсының сертификатын алған. • MediaNET Халықаралық журналистер мектебінің түлегі. • АҚШ пен Британия елшілігінің бірігіп ұйымдастырған журналистерге арналған кәсіби ағылшын тілі курсының сертификатын алған.