№2 қалалық клиникалық балалар ауруханасында Әуезов ауданы әкімінің аппараты мен «Нұр Отан» партиясының аудандық филиалы партияның «Жемқор­лықсыз ел – гүлденген ел!» жобасы аясында ҚР «Сыбайлас жемқорлықпен күрес туралы» Заңын талқылады.

Осы іс-шараға «Нұр Отан» партиясы Әуезов аудандық филиалы төрағасының бірінші орынбасары Мұрат Омаров, партияның аудандық филиалының Сы­бай­лас жемқорлыққа қарсы күрес бойын­ша қоғамдық кеңесінің төрағасы Саят Балғынбаев және Әуезов ауданы әкімі аппаратының жауапты қызметкерлері, аудан аумағында орналасқан медицина мекемелерінің басшылары қатысты.

Жиынға қатысушылар өз ортамызда орын алып жататын ірілі-ұсақты парақор­лық пен жемқорлықтың жолына кедергі болу мен оның алдын алу туралы баянда­малар жасап, ҚР «Сыбайлас жемқорлыққа қарсы күрес туралы» Заңының аясында жемқорлыққа қарсы іс-әрекеттер әр салада тоқтаусыз жүзеге асырылып жатқанын тілге тиек етті.

Бүгінгі таңда халық парақорлық дерті­мен жиі бетпе-бет келетінін бәріміз мо­йындаймыз. Зардабын да бәріміз тартамыз. Сондықтан кез-келген салада пара беру мен пара алудың жолын кесу үшін қоғам болып белсенділік таныту әрқайсымыздың азаматтық міндетімізге айналуы тиіс.

Заңда сыбайлас жемқорлыққа қарсы күрес туралы заңның ұғымын былай деп көрсеткен:

1-бап. Заңның мақсаты

      1. Осы Заң азаматтардың құқықтары мен бостандықтарын қорғауға, сыбайлас жемқорлық көрiнiстерiнен туындайтын қауiп-қатерден Қазақстан Республикасының ұлттық қауiпсiздiгiн қамтамасыз етуге, сыбайлас жемқорлыққа байланысты құқық бұзушылықтың алдын алу, анықтау, олардың жолын кесу және ашу, олардың зардаптарын жою және кiнәлiлердi жауапқа тарту арқылы мемлекеттiк органдардың, мемлекеттiк мiндеттердi атқаратын лауазымды және басқа да адамдардың, сондай-ақ оларға теңестiрiлген адамдардың тиiмдi қызметiн қамтамасыз етуге бағытталған және сыбайлас жемқорлыққа қарсы күрестiң негiзгi принциптерiн айқындап, сыбайлас жемқорлыққа байланысты құқық бұзушылықтың түрлерiн, сондай-ақ жауаптылықтың пайда болу жағдайларын белгiлейдi.
      2. Осы Заң сол сияқты демократиялық негiздердi, мемлекеттi басқарудағы жариялылық пен бақылауды кеңейтуге халықтың мемлекет пен оның құрылымдарына деген сенiм нығайтуға, бiлiктi мамандарды мемлекеттiк қызметке кiруге ынталандыруға, мемлекеттiк мiндеттердi атқаратын адамдардың риясыз адалдығы үшiн жағдайлар жасауға да бағытталған.