Ғалымдар коронавирус жұқтырған адамдар неге иіс сезу қабілетінен айырылатынын анықтады. Вирус иіс сезу нейрондарын зақымдамайды, сондықтан иіс сезбеу ұзаққа созылмайды, деп хабарлады Газета.Ru.

Бұрын аносмия коронавирустың ең алдыңғы және негізгі белгісі болатын. Зерттеулердің көбі бұл басқа симптомдарға – ыстық, жөтелге қарағанда, аурудың бары туралы тез сигнал беретінін айтқан. Бірақ бұл симптомның негізінде жатқан биологиялық механизмдер белгісіз болып келді.

Вирус мұрын қуысының жоғарғы бөлігіндегі жасушаларды зақымдайды деп есептелді. Содан нейрондар иіс туралы миға сигнал бермейді. Бірақ зерттеу бұл болжамды жоққа шығарды.

Ғалымдар мұрын қуысының жоғарғы бөлігіндегі SARS-CoV-2 вирусына төзімдігілігі төмен иіс сезу жасушаларын анықтады. Сөйтсе, миға сигнал беретін жасушалар олардың арасында бұл нейрондар болмай шықты.

– Біз науқастардың коронавирус жұқтырып, иіс сезу қабілетінің жоғалуы инфекция жұқтырған нейрондармен байланысты емес екенін таптық, – деп түсіндірді зерттеу авторы Сандип Роберт Датта.

Бұл сол функцияға қосалқы жасушалардың әсерінен болады.

– Жақсы жаңалық деп ойлаймын. Себебі инфекция жойылғаннан кейін иіс сезу нейрондары қайта қалпына келуі керек. Бірақ бізге бұл қорытындыны растау үшін мұның негізінде жатқан механизмдерді түсінетіндей көбірек дерек қажет, – деді Датта.

Дәм және иіс сезбеу – COVID-19 вирусының ең кең тараған симптомы. Статистика коронавирус жұқтырмағандарға қарағанда, жұқтырған науқастар осы сезімдерді 27 есе жиі жоғалтатынын көрсетті. Сондай-ақ иіс және дәм сезу бірнеше аптадан кейін ғана қалпына келетіні айтылған.