Көлік иелері мен тасымалдаушылардың жолаушылар алдындағы азаматтық-құқықтық жауапкершілігін міндетті сақтандыру бойынша заңнамалық өзгерістер мәжіліске түсті.
Депутат Татьяна Савельеваның айтуынша, заң жобасы сақтандыру компаниялары мен міндетті автосақтандыруды рәсімдейтін азаматтардың мүддесін қорғауды көздейді. Осыған байланысты қазіргі заңнамаға тиісті түзетулер енгізіледі.
Негізгі өзгерістер:
- жол апатынан зардап шеккендердің сақтандыру төлемдерін арттыру;
- төлемдерді алатын адамдардың санын көбейту;
- сақтандыру компанияларын мұрагерлерді төлем алу туралы хабардар етуге міндеттеу;
- сақтандыру жағдайында тәуелсіз сараптаманы қолдануға мүмкіндік беру.
"Үкімет бұл заң жобасы бойынша өз қорытындысын берді. Оны да жұмыс кезінде ескереміз", - дейді Савельева.
