Индустрия және инфрақұрылымдық даму министрлігі Алматы әуежайы 13 қаңтардан бастап жұмысын қайта бастайтынын хабарлады.

Әуежай басшылығының ақпараты бойынша әуе компанияларының ұшу кестесіне сәйкес ішкі және халықаралық рейстер сағат 8.00-ден 21.00-ге дейін орындалады. 

Министрлік  "ҚТЖ" ҰК" АҚ Нұр-Сұлтан қаласы әкімдігімен бірлесіп, елордалық вокзалдарға арнайы автобустармен туристер трансферін ұйымдастыратынын мәлім етті. Вокзалдардағы билет кассалары тәулік бойы жұмыс істейді.

Уәкілетті орган туристердің келуі туралы ақпаратты ұсынуына қарай Нұр-Сұлтаннан жолаушыларды жөнелтуді ұйымдастыратын болады.

Қазіргі уақытта барлық жолаушылар пойыздары кесте бойынша және Қазақстанның барлық бағыттарына жүреді. Барлық пойыздарға т/ж билеттері бар. Министрлік дерегінше, Нұр-Сұлтаннан шығатын пойыздарға жол жүру құжаттарының (билеттердің) тапшылығы жоқ.

Билеттер туралы толығырақ ақпаратты BILET.RAILWAYS.KZ сайтынан және Кaspi.kz мобильдік қосымшасының "ҚТЖ билеттері" бөлімшесінен білуге болады.