Алматыда 2024 жылдың 24 желтоқсанында тай боксынан (муай-тай) әлем чемпионы болған 20 жастағы Серік Әлиді пышақтап өлтірді.

- "Муай-тайдан әлем чемпионы Серік Әли бұзақылардың қолынан қаза тапты. Чемпионымыздың отбасы мен жақындарына көңіл айтамыз", — деп хабарлады федерация.

2022 жылы Алматыдағы №186 мектептің оқушысы Серік Әли 51 келі салмақта муай-тайдан ересектер арасындағы ең жас әлем чемпионы атанып, "халықаралық спорт шебері" атанды.

2016 жылы ол алғаш рет муайтайдан Қазақстан чемпионы атанды. 2017 жылы кикбоксингтен республикалық кезеңнің жеңімпазы атанды. Спартакиада жеңімпазы және 2018 жылғы Солтүстік кубогының иегері.

2016-2022 жылдары Қазақстанның бірнеше спорт түрінен бірнеше мәрте жеңімпаз атанған. Қырғызстан чемпионатының екі дүркін жеңімпазы.

2021 жылы NOMAD MMA бойынша әлем чемпионы атанды. 24 желтоқсанда Алматының "Шұғыла" ықшам ауданында 20 жастағы жігіттің жанжал кезінде пышақталып қаза тапқаны хабарланған болатын. Наурызбай аудандық ішкі істер бөлімі кісі өлтіру дерегі бойынша қылмыстық іс қозғады. Күдікті қамауға алынды.