Елімізде сыбайлас жемқорлыққа қарсы іс-қимыл бойынша қабылданып жатқан шаралар туралы Сыбайлас жемқорлыққа қарсы қызмет президентке есеп берді.
Антикор басшысы Асхат Жұмағалидың айтуынша, 6 айда 130 нысанға талдау және мониторинг жүргізілген. Ал жемқорлықты жоюға қатысты 1 мыңнан астам ұсыныс енгізілген.
"Сотқа дейінгі аяқталған тергеу амалдарының нәтижесі бойынша 232,6 миллиард теңге өтелді. Жалпы, 1,5 жылда бюджетке және квазимемлекеттік сектор субъектілеріне шамамен 860 миллиард теңге көлемінде мүліктік активтер мен ақшалай қаражат қайтарылды", – делінген хабарламада
Жыл басынан елімізде 1 мыңға жуық сыбайлас жемқорлыққа қатысты қылмыс тіркелді, 700-ден астам адам әшкереленді, оның 98-і түрлі деңгейдегі басшылар.
Пікір қалдыру