Елде төтенше жағдай мерзімі 15 күнге созылуына байланысты  азаматтарға әлеуметтік төлем екінші рет беріледі.

Төтенше жағдай алғашқыдағыдай 1 ай емес, 15 күнді құрағанымен, 42500 мөлшеріндегі әлеуметтік төлем толық мөлшерде беріледі.

Бірінші ай үшін төлем алмағандар 15 сәуірге дейін өтініш білдіріп үлгерсе, алғашқы ай үшін де, екінші ай үшін де төлем ала алады.

Есепшоты жоқ азаматтар да өтініш білдіре алатынын ескерген жөн. Олар өтініш берген кезде есепшот нөмірін жазбай, бір ай ішінде есепшот ашып, төлемді ала алады. Әлеуметтік сақтандыру қорынан Өтініш білдірген азаматқа 3 күн сайын "шот аштыңыз ба?" деген мазмұндағы хат жолданып отырады. Шот ашылған сәтте азамат өзінің есепшот нөмірін смс-ке жауап ретінде жазып жібереді. Содан соң, төлем сол шотқа аударылады. Өтінім білдіруде өзге адамның шотын көрсетуге болмайды.

Бүгінге дейін 1 млн 779 мың адамға 42 500 теңге тағайындалған.