COVID-19 таралуына жол бермеу жөніндегі ведомствоаралық комиссия Қазақстанның барлық өңірі коронавирустың таралуы бойынша "қызыл" аймақтан шыққанын хабарлады.
Ел өңірлеріндегі эпидемиологиялық ахуалды бағалау матрицасына сәйкес, қазіргі уақытта "қызыл" өңірге кіретін аймақтар жоқ.
Бірнеше күннен бері "қызыл" аймақта тек Павлодар облысы тұрған, қазір "сары" аймаққа ауысты.
Нұр-Сұлтан қаласы, Павлодар, Ақмола, Қостанай, Солтүстік Қазақстан, Батыс Қазақстан облыстары "сары" аймақта.
Қалған өңірлердің бәрі "жасыл" аймақта.
Жалпы Қазақстан коронавирустың таралу қаупі бойынша "жасыл" аймақта тұр.
Пікір қалдыру