Samsung компаниясының мұрагері Ли Чжэ Ён тыныштандыратын пропофол қолданғаны үшін сотталып, оған айыппұл салынды.

Оңтүстік Корея заңы бойынша бақыланатын дәрі-дәрмектің алушылары мен әкімшілері қылмыстық жауапкершілікке тартылуы мүмкін. Препарат әдетте пациенттерді тыныштандыру үшін қолданылады, бірақ кей адамдар оны ойын-сауық үшін де қолданады. Ол жеңіл есірткі түріне жатады.

Оңтүстік Кореяда айыппұл түрме жазасына қарағанда жиі кездеседі.

Прокурорлар 2015 және 2020 жылдар аралығында оның есірткіні бірнеше рет қолданғанын сотта айтқан соң, 53 жастағы Ли 43 мың фунт стерлинг көлемінде айыппұл төледі.

"Прокурорлар оның есірткіні тері емдеу сылтауымен пайдаланғанын мәлімдегенімен, Лидің адвокаттары ол есірткіні соттар мен әкесінің ауруынан туындаған психологиялық күйзеліспен күресу үшін қолданғанын айтты" деп хабарлады BBC.