Фото: Getty
Ресей Сыртқы істер министрі Сергей Лавров Украинадағы қақтығыстың үшінші дүниежүзілік соғысқа ұласып кету қаупі барын және НАТО Киевті қару-жарақпен қамтамасыз ету арқылы Мәскеумен жанама соғысып жатқанын ескертті.
Ресейлік ақпарат агенттіктеріне сұхбат берген Лавров Киевтің келіссөздерге деген көзқарасын сынады.
"Бірақ біз [Украина президенті Владимир] Зеленскийдің делегациясымен келіссөздер жүргізуді жалғастырып жатырмыз. Бұл байланыстар жалғаса береді" деді Лавров.
Ол "бұрынғы актер Зеленскийді келіссөздер жүргізіп жатқандай кейіп танытты" деп айыптады.
"Ол жақсы актер. Егер оның айтқанын мұқият қарап, мұқият оқысаңыз, мың қайшылық табасыз" дейді Лавров.
Лавров үшінші дүниежүзілік соғыстың қаупі шынайы екенін айтады. Ол "Интерфакс" агенттігіне берген сұхбатында "Қауіп-қатер ауыр, үшінші дүниежүзілік соғыс қаупі – шын, оны бағаламауға болмайды" деді.
Оның айтуынша, Киев билігі адал келіссөздер жүргізіп жатқан жоқ. Бұрынғы актер Владимир Зеленский Британ премьер-министрі Борис Джонсон сияқты келіссөздерге емес, алға қойылған міндетке жүгінбей, жұртшылық алдында ойнаған.
Лавров мәлімдемесінен бірнеше сағат бұрын АҚШ Мемлекеттік хатшысы Антони Блинкен мен АҚШ қорғаныс министрі Ллойд Остин Киевке барып, Украинаға көбірек әскери көмек көрсетуге уәде берген. Остин Америка Құрама Штаттары Ресейдің әлсірегенін көргісі келетінін және Мәскеуді жеңу үшін Украинаны қаруландыруға уәде бергенін айтты.
АҚШ сондай-ақ осы аптада Украинаға қатысты 40-тан астам елдің басын қосып, жиналы өткізбек. Ол жерде Украинаға көбірек қару-жарақ жеткізіліміне назар аударылады деп күтіліп отыр.
Лавровтың айтуынша, Ресей қандай жағдайда да ядролық соғысты болдырмауға ұмтылу принципін сақтау үшін көп жұмыс істеп жатыр.
"Бұл – біздің барлығын негізге алатын негізгі ұстанымымыз. Қазір риск айтарлықтай" деді Лавров. Ресей соңғы уақытта ядролық күштерін жоғары дайындыққа қойған.
Ресейдің екі айдан бергі Украинаға шабуылы 1945 жылдан бері еуропалық мемлекетке жасалған ең ірі шабуыл болып отыр. Соғыс мыңдаған адамның өмірін қиды, қалалар мен елдімекендер қирандыға айналды, 5 миллионнан астам адам шетелге қашуға мәжбүр болды.
Мәскеу өз әрекеттерін Украинаны қарусыздандыру және оны фашистерден қорғау жолындағы арнайы әскери операция деп атайды. Киев пен Батыс мұны Ресей президенті Владимир Путиннің егемен елге қарсы себепсіз басқыншылық соғысы үшін ойлап шығарған жалған сылтауы дейді.
"Financial Times" газеті Ресей президентімен әңгімелескен үш адамға сілтеме жасай отырып, Путин енді мүмкіндігінше Украина аумағын басып алуға ниетті екенін деп хабарлады.
Мәскеу енді Украинаның шығысындағы негізінен орыстілді өнеркәсіптік аймақ Донбасты алу мақсатын айтады. Екі жақ та шығыста әскери әрекеттер жүріп жатыр деп мәлімдегенімен, Ресей әлі толық құрлық шабуылын бастаған жоқ және айтарлықтай жетістіктерге жеткен жоқ деп есептелінеді.
Қате тапсаңыз, қажетті бөлікті таңдап ctrl+enter басыңыз.
Ұсынылғандар
Пікір қалдыру
пікір