Қостанайда «Трудовые резервы» спорткешенінде атыс болды, деп хабарлайды Alau.kz. Оқиға 16 қаңтар күні кешкісін болған. Куәгерлер хабарлағандай, атыс екі спортшы жігіттердің өзара келіспей қалуынан туындаған.
Куәгерлердің айтуынша, оқ атқан адам екі адамды жаралаған,. Оқтың бірі жапа шегушінің иығын жараласа, бірі басына тиген.
Бұзақылық әрекеттері үшін Қостанайдың 19 жастағы тұрғынына байланысты полиция тергеу жұмыстарын жүргізіп жатыр.
«Күдікті қамауға алынды. Қару ретінде травматикалық қаруды пайдаланған. Сараптама жұмыстары жүргізіліп жатыр. Оқиғаның мән-жайын анықтау үшін тергеу жұмыстары жүргізіліп жатыр», – деп мәлімдеді Қостанай облысының ІІД-нің баспасөз қызметі.
Пікір қалдыру