«Хабар» арнасында үлкен бокс

/uploads/thumbnail/20170709200755814_small.png

«Хабар» арнасы бокс сүйер қауым үшін Франсиско Варгас пен Мигель Берчельт арасындағы айқас пен Бүкіл әлемдік бокс сериясының 7-маусымы аясында «Astana Arlans» және «Russian Boxing Team» командаларының жекпе-жегін көрсетеді.   

 

КӘСІБИ БОКС: ВАРГАС-БЕРЧЕЛЬТ

29 қаңтар күні таңғы сағат 9.00-де былғары қолғап шеберлері Франсиско Варгас пен Мигель Берчельт арасында WBC  нұсқасы бойынша әлем чемпионы атану үшін алғашқы жеңіл салмақтағы (59 кг дейін) он екі раундтық жұдырықтасу тікелей эфирде көрсетіледі.   

Спорттық шара Калифорния штатының Индиго қаласындағы «Fantasy Springs Resort Casino» қонақ үйінде өтеді. Трансляцияның комментаторлары - спорт саласының сарапшылары Айдар Махметов пен Айбек Қабылшаев.

«Біз үнемі әлемдік деңгейдегі спортшылардың өнерін көрсеткіміз келеді. Бұл жекпе-жек те солардың бірі. Екі боксшының да техникалық дайындығы күшті, сондықтан дәл айқасты көру көрерменге қызықты болмақ. Бокс жанкүйерлеріне ұнайды деген ойдамыз»,- деді «Хабар» арнасының спорт продюсері Асхат Жақаев.

Дәл сол кеште Такаши Миура және Мигель Роман арасында жартылай жеңіл салмақтағы чемпиондық атақ үшін он раундтық жекпе-жек көрсетіледі.  

Франсиско Варгас – мексикалық боксшы, 1984 жылы (32 жаста) дүниеге келген. WBC нұсқасы бойынша 2-ші жартылай жеңіл салмақтағы әлем чемпионы, әлем чемпионатының (2007, 2009 жж) және олимпиада ойындарының (2008ж ) қатысушысы. Кәсіби боксқа 2010 жылы ауысқан. Лақап аты - «Бандит».

Мигель Берчельт – мексикалық боксшы, 1991 жылы (25 жаста) дүниеге келген. WBO нұсқасы бойынша бірінші жеңіл салмақтағы әлем чемпионы. Мексиканың үш дүркін чемпионы. Лақап аты – «Шаян» («Скорпион»).

Такаши Миура – жапондық боксшы, 1984 жылы (32 жаста) дүниеге келген. WBC нұсқасы бойынша 2013 жылдан 2015 жылдар аралығындағы әлем чемпионы.

Мигель Роман -  мексикалық боксшы, 1985 жылы (31 жаста) дүниеге келген. Чемпиондыққа үміткерлердің бірі.

 

 

 

БҮКІЛ ӘЛЕМДІК БОКС СЕРИЯСЫНЫҢ 7-МАУСЫМЫ

3 ақпан күні сағат 23.00-де ең беделді турнирлердің бірі - Бүкіл әлемдік бокс сериясының (World Series of Boxing) жаңа маусымы басталады. Жылдағы дәстүр бойынша «Хабар»

 арнасы астаналық «Astana Arlans»  клубының қатысуымен өтетін жекпе-жекті тікелей эфирде көрсетеді.

            Алғашқы кездесу Мәскеу қаласында  «Динамо» Спорт сарайында «Russian Boxing Team» және екі дүркін жеңімпаз атанған «Astana Arlans» арасында өтеді. Қазақстандық команда құрамына 10 салмақ дәрежесі бойынша 20 боксшы  және қосымша құрамға 17 боксшы кірген.

Бүкіл әлемдік бокс сериясында «Astana Arlans» командасы ең атақты клубтардың бірі, біздің жігіттер екі мәрте үздіктердің қатарынан көрініп, жеңіс тұғырынан көрінген болатын.

    

Пікір қалдыру

Қатысты Мақалалар