Қытайда Гонконг, Макао және Чжухай қалаларын біріктіретін көпірдің жалғасы ретінде әлемдегі ең ұзын су асты автомобиль туннелі салынды деп xабарлайды Қамшы ақпараттық агенттігі ҚазАқпарат-қа сілтеме жасай отырып.
Туннель құрылысы теңіз деңгейінен 40 метр төмендікте орналасқан, ал оның ұзындығы 6,4 шақырымды құрайды. Жоба аясында су асты туннелінің құрылысы, 23 шақырымдық көпір және екі жасанды арал салу жоспарлары қарастырылған. Оны Гонконг және Макао әкімшілік аудандары Гуандун провинциясындағы Чжухай қаласымен бірлесіп жүзеге асырылады.
