Германияда полицей қызметкерлері Рождество уақытына теракт жоспарлағандарды құрықтады, деп жазады Qamshy.kz ақпарат агенттігі. Құқыққорғау органдарының болжамынша, қылмыс мерекелік жәрмеңке уақытына жоспарланған. Бұл туралы CNN хабарлайды.
Германияның 4 қаласында 500 полицей қызметкерлері арнайы рейд жүргізді. Нәтижесінде Сирияның 6 азаматы ұсталды. Сириялықтар рождестволық жәрмеңкелер ұйымдастырылатын аудандарды бүге-шүгесіне дейін зерттеген.
Айта кетейік, өткен жылы 19 желтоқсанда Берлиннің орталығында рождестволық жәрмеңкеге жиналған халықтың арасынан жүк көлігі жүріп өткен. Соның салдарынан 12 адам қаза тауып, 48 адам жараланды.
