Жапон теңізінде ресейлік экипаж отырған «Иман» кемесі өртенді, ешкім зардап шеккен жоқ. Бұл туралы теңіз құтқару-үйлестіру орталығының басшысы Николай Пиражков хабарлады, деп жазады Qamshy.kz ақпарат агенттігі.
«Өрт бүгін таңға жуық Жапон теңізінің орталығында болды. Жүк тиелген «Иман» кемесі Тоямадан Владивостокқа қарай бет алған. Өрт қозғалтқыш-қазандықтан басталды. Кеме экипажы өртті сөндіріп үлгерді. Абырой болғанда, зардап шегушілер жоқ», - деді Пиражков.
Оқиға орнына Владивостоктан «Мұнайгаз-55» буксирі жіберілді.
