Үндістанның Калькутта қаласының 23 жастағы тұрғыны аяғы бірігіп кеткен сәбиді дүниеге әкелді деп хабарлайды Qamshy.kz ақпарат агенттігі life.ru-ға сілтеме жасай отырып.
Маскура Биби жүктілік кезінде дәрігерге қаралуға жағдайы болмаған екен. Сәбидің дамуындағы су перісі синдромы аталатын ауытқу тек перзентханада анықталыпты. Сәби дүниеге келгеннен 4 сағаттан кейін шетінеп кеткен.
«Сәбидің ата-анасы қарапайым жұмысшылар. Тұрмыстары нашар болғандықтан, медициналық қызмет көрсетілуіне ақша төлей алмаған»,- дейді аурухана дәрігері Судип Саха.
Дәрігердің сөзінше, мұндай синдром анасының дұрыс тамақтанбауынан немесе қан айналымының бұзылуынан болуы мүмкін.
