"Қазпоштаның" Жамбыл облысындағы филиалының басшысы жұмысқа тұрғызғаны үшін келіскен ақшасын алып жатқанда құрықталды. Бұл туралы ҚР Сыбайлас жемқорлыққа қарсы департаменті хабарлады деп жазады Qamshy.kz ақпарат агенттігі.
Мәлімдемеде айтылғандай, "Қазпоштаның" Жамбыл облыстық филиалында пара алу фактісі тіркелген. Филиал басшысы бөлім басшысының мәселесін шешіп, ол ұсынған адамды жұмысқа орналастырғаны үшін 250 мың теңге талап еткен.
"Күдікті әлі ештеңені мойындаған жоқ. Тергеу жалғасуда. Күдіктінің ақ, не қара екенін сот шешеді", деп жазған арнайы хабарламада.
Пікір қалдыру