Белгілі мемлекет қайраткері Мұрат Әбенов facebook парақшасына жариялаған бейнежазба әлеуметтік желіде қызу талқыға түсіп жатыр.

Видеодан бір топ шетелдіктің әлдебір шара ұйымдастырғалы жатқанын көруге болады. Видеоның қай қалада түсірілгені белгісіз. Қолдарында Қытай елінің ұлттық айдахар биіне арналған заттар бар жастарды көшеде жергілікті тұрғындар тоқтатып, қолдарындағы заттарды дереу жинауын талап етіп тұр. 

Бейнежазбаны түсіріп тұрған адамның "быт-шытын шығарайық, қытайлардың" деген даусы естіледі. Шетелдіктердің жанына жиналған тұрғындар қазақ жастарын төбелеспеуге шақыруда.

Сол маңда жүрген келіншек "қазақ жерінде қытай символикасын неге ұстап жүрсіңдер" деп шетелдіктерге заттарын жинауды талап етті.

– Менің көшеммен заттарыңды алып жүрмеңдер. Университетіңе апарсаң, апар, бірақ менің жерімде, қазақтың жерінде мұны алып жүрмеуің керек. Бұл не сұмдық, – дейді келіншек.