Алматыда тұрғындар карантин талаптарын бұлжытпай орындаса, коронавирустың таралуы жақын арада төмендейді. Бұл туралы Алматы қалалық денсаулық сақтау басқармасының басшысы Тілеухан Әбілдаев айтты. 

"Егер өзін-өзі оқшаулау жоғары деңгейде болса, екі аптадан кейін біздің қаламызда індет жұқтыру күрт төмендейді деп болжап отырмыз" деді Әбілдаев.

Алматы – коронавирус жұқтырғандар саны жағынан екінші орында тұр. Соңғы мәлімет бойынша, бұл қалада 90 адамнан вирус табылған. Олардың 11-і індеттен жазылып шықты. 

Алматы 19 наурыздан бастап карантинге жабылды. 22 наурыздан бері қалаға кіріп-шығуға тыйым салынды. Қала ішінде 31 наурыздан бастап карантин шаралары күшейтілген. Қазір қала тұрғындары тек дүкен мен дәріханға шыға алады. Жұмысқа бара алады.