Нұр-Сұлтан, Алматы, Шымкент қаласы және Атырау, Қарағанды облыстарында карантин шараларына өзгерістер енгізіледі. Бұл туралы бас санитар дәрігер Ерлан Қиясов мәлімдеді.

Аталған өңірлерде 2 тамыздан бастап төмендегідей шаралар енгізіледі:

• орталық мемлекеттік органдарды, әкімдіктерді, құқық қорғау органдарын, денсаулық сақтау ұйымдарын, БАҚ-ты, азық-түлік дүкендерін, дәріханаларды және тіршілікті қамтамасыз ету ұйымдарын, меншік нысандарына қарамастан, "Ashyq"-қа қатыспайтын барлық кәсіпорындар мен ұйымдардың қызметі тоқтатылады;
• ойын-сауық, спорттық және басқа да бұқаралық іс-шараларды, сондай-ақ отбасылық, естелік іс-шараларды өткізуге тыйым салынады;
• мемлекеттік органдардың (ұйымдардың), кеңселердің, ұлттық компаниялардың және өзге де ұйымдардың қызметкерлерінің (вакцинацияланған және соңғы 3 ай ішінде ауырып сауыққан адамдарды қоспағанда)  80%-ы үшін қашықтан жұмыс істеу нысаны сақталады;  

"Ashyq" жобасынан тыс:

• құрылыс жұмыстарын жүргізуге;
• өнеркәсіптік кәсіпорындардың қызметіне;
• туристік компаниялардың, бизнес орталықтардың, қызметтің жекелеген түрлерінің қызметіне;
• қоғамдық тамақтану объектілерінің тек алып шығуға және жеткізуге арналған қызметіне рұқсат етіледі.

Сонымен қатар 9 тамыздан бастап инфекциялық төсек-орындарының толтырылу көрсеткіші 70%-дан жоғары және төсек-орындардың  толтырылу көрсеткіші 100 мың тұрғынға шаққанда 200-ден жоғары болған кезде ("қоңыр-қызыл" аймақ) "Ashyq" көшбасшылары мәртебесі бар объектілерге 00.00 сағатқа дейін, жоба бойынша жұмыс істейтін өзге де объектілерге сағат 22.00-ге дейін жұмыс істеуге рұқсат етіледі.

2 тамыздан бастап "қоңыр-қызыл" аймақта әкімдіктерді, құқық қорғау органдарын, денсаулық сақтау ұйымдарын, БАҚ-ты, азық-түлік дүкендерін, дәріханаларды, "Ashyq" жобасына қатысушыларды қоса алғанда, меншік нысандарына қарамастан, барлық кәсіпорындар мен ұйымдардың қызметі демалыс күндері тоқтатылады.