Қазіргі уақытта әлем елдері үкіметтік емес сектор ісін дамыту қағидатына кел­ген­де, алғаш олардың жүзеге асырып жатқан жо­баларының нәтижесіне және оған бері­летін аналитикалық бағамына терең зейін қоя бастады. Бұл туралы Қамшы порталы Айқын-Ақпаратқа сілтеме жасай отырып хабарлайды.

Дегенмен, бұл орынды да се­кілді, өйткені кез келген коммерциялық ұйым немесе мемлекеттік орган болмасын, олардың қызмет бағамын талдауға қатысты арнайы стандарттар мен бағамдау жүйелері арқылы сала қызметін дамыту қалыпты тенденцияға айналып отыр. Мәселен, биз­несті алып қарайтын болсақ, кез келген кә­сіпкерліктің өлшемі жинақталған тұты­нушылар санына қарай анықталады, дәл сол секілді үкіметтік емес сектордың да қыз­меті әлеуметтік салада қаншалықты нәтижелі жобаларды жүзеге асыруымен ті­келей байланысты. 
Үкіметтік емес ұйымдар ісіне қатысты бағалау әдістемесі ең алғаш ХХ ғасырдың 60-жылдарында жоба нәтижесін жалпы­-лама бағалайтын жинақтық және кезең бо­йынша қалыптастырушылық өлшемдері бол­ған болса, бүгінде мұндай бағалау өл­шемдерінің инновациялық жаңа түрлері кө­бейе түсті. Қазіргі таңда аталған салада халықаралық тәжірибеде негізгі бағалау стан­дарттары қатарына, америкалық баға­лау жүйесі (American Evaluation Association, AEA, www.eval.org), ұлыбританиялық(the UK Evaluation Society UKES, www.evalua­tion.org.uk) және франциялық (The French Evaluation Society (SFE), www. sfe-asso.fr) со­нымен қатар германиялық (Gesell­schaft für Evaluation e.V, www. degeval.de/nc/home) бағалау стандарттары кең қолданысқа ие болып отыр. Стандарттау ісінен өзге ком­мер­циялық емес секторды тұрақты инвес­тициялау мен әлеуметтік жүзеге асырылған жобалардағы инновациялық мүмкіндіктерді бағалаудың жаhандық жүйесі(«Global Im­pact Investing Network» (GIIN)) (США) жа­са­лынған. Мұнда әлеуметтік саланың 400-ге жуық түріне арналған сандық өл­шем­дер құрастырылған. Мәселен, білім бе­ру, денсаулық сақтау, қоршаған орта сын­ды бағыттарға бөле отырып, жеке стан­дарттар қарастырылған. Бағалау стандарт­тарымен қатар,үкіметтік емес ұйымдар ісі­нің мазмұны мен процесіне қатысты анали­ти­калық талдау жүргізу iсі де дамыған ел­дерде кең қолданысқа ие болып отыр. Мұн­дай сараптау стандарттарының бірі, – «Ортақ өлшем платформалары» (Shared Mea­­surement Platforms) жүйесі. Мұндай стан­­дарттар елдегі үкіметтік емес сектордың қызметін жетілдірумен қатар, өзара бәсе­кенің күшеюіне сәйкесінше көрсетілетін қызметтің сапасының артуына себеп бо­-лып отыр. 
Бұл бағалау стандарттары біздің елде бүгінде белгілі бір қызмет көрсету түрлеріне қатысты,«Халыққа қызмет көрсету, анық­та­малық стандарттары»,«Халықаралық ИСО 9004-2» және «Мемлекетаралық ГОСТ 30335-95» стандарттары қолда­ныла­ды. Аталған өлшемдік бағалау коммер­ция­лық және коммерциялық емес сектор ісін­-де қатар қолданылады. Дегенмен, мұндай ба­ғалау және сертификаттау жүйесі әдетте қазіргі жай-күйді көрсеткенімен, қызмет желісін дамытуға инновациялық мүмкін­дік­терді арттыру және сұраныс талаптарын қанағаттандыру ісінде әлі де жаңа өзгеріс жүйелерінің қажет екендігін көрсетеді. Сон­­дай-ақ елдегі үкіметтік емес ұйымдар­дың мемлекеттік әлеуметтік тапсырыстар­ды орындау, есептеме беру стандарттары биыл­ғы жылы Мәдениет және спорт ми­нистрлігі тапсырысымен арнайы нұсқау­лық ретінде шығарылған болатын. 
Қазіргі уақытта Мәдениет және спорт министрлігі тапсырысымен елдегі тіркелген үкіметтік емес ұйымдар ісіне қатысты жүр­гізіліп жатқан мемлекеттік әлеуметтік тап­сырыс қызмет көрсетудегі стандарттар мен есеп берудің инновациялық түрлерін қол­данысқа енгізуге бірден-бір себепкер бо­ла­ды деген сенім мол.