Алматы көшелерінің біріне орыс қолбасшысы Александр Невскийдің ескерткіші орнатылады. Мұндай бастаманы Қазақстандағы православ шіркеуі ұсынған, деп хабарлады КазТаг. 

Ескерткіштің ашылуына белсенді Тұрарбек Құсайынов қарсылық білдірді.

"Тарих бойынша князь Александр Невский Алтын Орданың вассалы болған. Бірақ ол көшпелі ата-бабаларымызды жек көретін. Неліктен Қазақстанның оңтүстік астанасы Алматыда Кремль мен Путин әулие санайтын Александр Невский сияқты империалистке ескерткіш қойылмақ?", - деді ол.

Ескерткіштің ашылуы туралы жазба православие шіркеуінің сайтында жарияланған. Алайда кейіннен жазба өшірілген.

Невскийдің ескерткішін орнату өткен жылы да жоспарланған еді. Алайда оған қаланың ескерткіштерді қорғау комиссиясы рұқсат бермеген.