“Қыз зорлады” деп айыпталған белгілі қаржыгер, трейдер Думан Ерқанатты Алматы қалалық соты ақтады. Бұл туралы қаржыгер әлеуметік желідегі парақшасында хабарлады.

Өзінің сөзінше, ол трейдинг курсы аясында Арайлым Төрегелді деген әйелмен танысып, кейін келісіммен жыныстық қатынасқа түскен. Алайда әйел оның үстінен зорланғаны жөнінде арыз түсіріп, Думан Ерқанаттан 100 млн теңге талап еткен.

Ұзамай кәсіпкер қамауға алынып, Алматы қаласы Бостандық аудандық №2 сотының шешімімен айыпты деп танылып, 5 жылға бас бостандығынан айырылған. Аудандық сот шешіміне келіспеген кәсіпкер қалалық сотқа шағым түсіріп, ақталып шыққан. Енді арызданушы тарап Жоғарғы сотқа жүгініп отыр.

Мәжіліс депутаты, заңгер Абзал Құспан апелляциялық алқаның келтірген уәждерін, сот актілерін қарап шыққанын, оқиғаны қылмыс деуге келмейтінін мәлім еткен.

Думан Ерқанат – биржа нарығы ар­қылы табыс табудың жолын үй­ретіп жүр­­ген кәсіпкер. Ол 10 жылға жуық уақыт АҚШ-та тұрып, әлемдегі ең ірі әрі көне бир­жалық сау­да алаңы – Нью-Йорк қор бир­жасы, қаржы орталықтары мен ха­­­лық­аралық корпорациялардың штаб-пәтері ор­наласқан әй­гілі Уолл-стрит ауданындағы компаниялардың бірінде білі­мін жетіл­дірген.