Erkegali Bolatuly

Beısenov Erkeǵalı Bolatuly. 04.05.1984 jyly Qostanaı oblysyna qarasty Amangeldi aýdanynyń Sarytorǵaı aýylynda dúnıege kelgen. 2001-2006 j.j. L.N. Gýmılev atyndaǵy Eýrazıa ulttyq ýnıversıteti, jýrnalısıka fakúltetin bitirgen. 2003-2004 jyldary «Qazaq radıosynyń» Astana fılıalynda baǵdarlamalar redaktory; 2004-2006 jyldary respýblıkalyq «El» gazetinde ekonomıka bóliminiń meńgerýshisi; 2006-2008 jyldary «Nur-Astana» aptalyǵynda sholýshy; 2008-2012 jyldary elordalyq «Astana aqshamy» gazetinde aǵa tilshi jáne satıra bóliminiń redaktory; 2012-2013 jyldary İİM İshki ister organdarynyń Medıa ortalyǵyna qarasty «Saqshy» gazetinde aǵa tilshi, aqparat bóliminiń meńgerýshisi; 2013-2014 jyldary «Ult times» aptalyǵynda tilshi; 2014-2015 jyldary «TAŃ» telearnasynda menshikti tilshi; 2016-2018 jyldary İİM İshki ister organdarynyń Medıa ortalyǵyna qarasty «Polısıa.kz» jýrnalynda Bas redaktordyń orynbasary qyzmetterin atqarǵan. 2018 jyldyń aqpan aıynan bastap Qamshy.kz jýrnalısi. 2006 jyly Halyqaralyq «Shabyt» shyǵarmashyl jastar festıvaline qatysyp, «Jýrnalısıka» nomınasıasy boıynsha İ-oryn ıelengen. 2011 jyly «Qaıran, qundylyq!..» atty jyr jınaǵy jaryq kórdi. 2016 jyly «QR Tuńǵysh Prezıdenti – Elbasy qory» uıymdastyrǵan respýblıkalyq «Altyn tobylǵy» baıqaýynyń «Eń úzdik poezıa» nomınasıasy boıynsha jeńimpazy.