Otan qorǵaýshylar men Jeńis kúni merekesine oraı, «Qazaqkonsert» memlekettik konserttik uıymy mamyrdyń 7-si kúni Astanada «Jeńis týy, jelbire!» atty qaıyrymdylyq konsert ótkizedi. Búgin «Qazaqstan» ortalyq konsert zalynda osy is-sharaǵa arnalǵan baspasóz konferensıasy ótti, dep habarlaıdy Qamshy.kz aqparat agenttigi.
Baspasóz konferensıasyna jýrnalısermen qatar, Astana qalalyq Aýǵan soǵysy ardagerleri men múgedekteri odaǵynyń tóraǵasy Serik Kenjebekov, «Chernobyl odaǵy» qoǵamdyq birlestiginiń tóraǵasy Qýandyq Omarbaev, «Sharapat» áleýmettik qyzmet ortalyǵynyń dırektory Kenjebolat Bapıshev jáne basqa da azamattar qatysty. Olarǵa «Qazaqkonsert» MKU dırektory Jeńis Seıdýllauly, osy mekemedegi estrada bóliminiń basshysy Móldir Áýelbekova jáne konsert rejıseri Dınara Janbosynova qaıyrymdylyq sharanyń mán-mańyzyn túsindirdi. Rejıserdiń aıtýynsha, mamyrdyń 7-si kúni saǵat 19:00-de «Qazaqstan» OKZ-da kórermen nazaryna teatrlandyrylǵan án-bı qoıylymy men fılm-konsert usynylmaq. Sol úshin tanymal ánshilerge qosa, teatr akterlary men horeografıalyq ujymdar da tartylyp otyr. Oǵan kórermen retinde shaqyrylǵan Ekinshi dúnıejúzilik soǵys pen tyl ardagerlerine, Qazaqstan Ardagerleri uıymynyń múshelerine, Aýǵan soǵysynyń ardagerleri men múgedekterine, Chernobyl odaqtarynyń, qarttar úıiniń ókilderine jáne balalar úıiniń tárbıelenýshilerine 700 bılet tegin úlestirilgen. Sondaı-aq, olarǵa konsert barysynda «Qazaqkonsert» MKU atynan kóptegen turmystyq zattar men azyq-túlik tabys etiledi.
Bul rette, Jeńis Seıdýllauly «osy bir ıgi bastamany elimizdegi ózge de óner ujymdary men qaıyrymdylyq qorlar estafeta retinde qabyldasa eken» degen tilegin jetkizdi. Onyń aıtýynsha, Altynbek Qorazbaev, Tamara Asar syndy óner maıtalmandary, «Melomen» jáne «Nazar» toptary, Jeńis Ysqaqova, Altynaı Jorabaeva, Serik Ibragımov, Medeý Arynbaev, Gúlnur Orazymbetova syndy estrada ánshileri, qazaq ónerin álemge pash etip júrgen «Forte trıo», «Solıser akademıasy» memlekettik orkestri, «Astana sazy» etno-folklorlyq ansambli men «Astana múzıkl» memlekettik teatry óner kórsetetin merekelik keshte ánder tek qana jandy daýysta shyrqalatyn bolady.
«Jalǵyz qaıyrymdylyq konsertte ǵana emes, jalpy, biz aldaǵy ýaqytta da ánshilerge sahnada fonogramsyz án aıtýdy mindettemekpiz. Qazir soǵan sáıkes lısenzıa ázirlep jatyrmyz. Shyny kerek, fonogramnyń keıde bizben birge júretin kezderi bar. Keıbir televızıalyq jobalarda onsyz án aıtýǵa bolmaıdy degendeı. Sol sıaqty, aparatýra nashar bolyp qalǵan kezde fonogramnyń kómegine júginýge týra keledi. Sonda da biz jastardy tabıǵı, jandy daýyspen án salýǵa úıretpekpiz. Sebebi, «Qazaqkonsert» memlekettik konserttik uıym bolǵandyqtan, biz ózgelerge úlgi kórsetýimiz kerek. Osyndaı úlken uıym retinde olardyń repetrýaryna, halyqtyń aldynda durys án aıtyp, jóndi sóıleı alýyna yqpal etýge tıispiz. Mysaly, ánshilerimizdiń deni án oryndaý men halyqpen aralasý turǵysynan aqsap jatady. Bir jóndi áńgime aıta almaı, eldi shýlatyp jatqandaryn ózderińiz de kórip júrsizder. Bunyń bir ushy ózi men prodúserine, al ekinshi ushy bizdiń «Qazaqkonsertke» kelip tıedi. Sondyqtan biz olardy qadaǵalaýdy jón kórdik», – dedi Jeńis Seıdýllauly.
Jýrnalıserdiń osy máselege qatysty suraǵyna óz kezeginde «Qazaqkonsert» MKU estrada bóliminiń basshysy Móldir Áýelbekova da jaýap berdi. Budan bólek, olar qaıyrymdylyq kómekti tek osyndaı mereke kúnderi qarsańynda ǵana emes, múmkindiginshe basqa ýaqyttarda da jasap turýǵa daıyn ekendikterin aıtty. Al «Chernobyl odaǵy» qoǵamdyq birlestigi tóraǵasynyń orynbasary Marat Júnisbek uıymdastyrýshy tarapqa óz usynysyn jetkizdi.
«Chernobyl Atom elektr stansasyndaǵy apat saldarynan 150 myń sharshy shaqyrymǵa jýyq jer radıoaktıvti elementtermen lastanyp, onyń saldaryn joıýǵa 800 myńǵa jýyq adam qatysqany belgili. Al ekiniń biri bile bermeıtin bir másele, oǵan Ortalyq Azıa boıynsha bizden ǵana ketken 4 esholon, ıaǵnı 32 myń adamnyń 27 myńnan astamy qazir joq. Sondyqtan qaıyrymdylyq konsert barysynda bizdiń de erlik isterimizdi atap ótseńizder jón bolar edi», – dedi ardager. Jeńis Seıdýllauly men rejıser Dınara Janbosynova bul usynystyń oryndy ekenin eskerip, merekelik shara senarıine engizetindikterin ýáde etti.
