Qazaqstan Respýblıkasynyń Prezıdenti Q.K. Toqaevtyń 2026 jylǵy 24 qyrkúıektegi № 334 ókimimen Qazaqstan Respýblıkasynda Mańǵystaý oblysynda qyzmettik mindetterin atqarý kezinde áskerı qyzmetshilerdiń qazaǵa ushyraýyna baılanysty 2026 jylǵy 25 qyrkúıek jalpyulttyq aza tutý jarıalandy.

Osyǵan oraı, Qazaqstan Respýblıkasynyń Mádenıet jáne aqparat mınıstrligi Jalpyulttyq aza tutý kúni buqaralyq aqparat quraldarynyń, teleradıo habarlaryn taratý operatorlarynyń qyzmetin retteý, aqparattyq ınternet-resýrstardy, sondaı-aq memlekettik organdardyń resmı saıttaryn resimdeý boıynsha usynymdar ázirledi.

Qazaqstan Respýblıkasynyń Mádenıet jáne aqparat mınıstrligi buqaralyq aqparat quraldarynyń basshylaryn, teleradıo habarlaryn taratý operatorlaryn, memlekettik organdar men uıymdardy usynylyp otyrǵan usynymdardy ustanýǵa, sondaı-aq jalpyulttyq aza tutý kúnine arnalǵan Qazaqstan Respýblıkasynyń zańnamasynda kózdelgen shekteýlerdi saqtaýǵa shaqyrady.