Ál-Farabı atyndaǵy Qazaq ulttyq ýnıversıtetinde «Jasandy ıntellekt dáýiri: baspa isi, medıa jáne dızaın» atty halyqaralyq kúzgi mektep óz jumysyn bastady. Aýqymdy sharaǵa akademıalyq orta ókilderi, otandyq jáne sheteldik baspagerler, BAQ ókilderi, sondaı-aq kreatıvti ındýstrıa men IT salasynyń mamandary qatysýda.

Halyqaralyq jıynnyń ashylýynda jýrnalısıka fakúltetiniń dekany Ysqaq Egemberdıev, Túrki álemi jýrnalıser federasıasynyń prezıdenti Menderes Demır, Baspa, polıgrafıa jáne kitap taratý uıymdary qaýymdastyǵynyń tóraǵasy Ádil Qoıtanov, sondaı-aq Ulttyq memlekettik kitap palatasy dırektorynyń orynbasary Tolqyn Salmenbaeva sóz sóılep,qatysýshylarǵa sáttilik tiledi.

Baǵdarlamanyń alǵashqy kúni jasandy ıntellektiniń televızıa, baspasóz, kitap ındýstrıasy jáne kórkem aýdarmaǵa tıgizetin áserine arnaldy. Sonymen birge sıfrlyq dáýirdegi avtorlyq quqyq pen medıa mamandarynyń kásibı jaýapkershiligi qozǵaldy.

Aldaǵy kúnderi qatysýshylar elektrondy jáne aýdıokitaptar ázirleý, mátindi redaksıalaý, JI arqyly ılústrasıa men anımasıa jasaý, kitap dızaınyn zamanaýı formatta bezendirý jáne áleýmettik jelilerde kitap ónimderin nasıhattaýdyń jańa tásilderin meńgeredi.

Sonymen qatar mektep baǵdarlamasynda medıasaýattylyq, faktchekıng jáne jasandy ıntellekt arqyly taralatyn feık aqparatpen kúres máselelerine erekshe basymdyq berilgen. Sharaǵa Ulybrıtanıa, Kanada, Túrkıa jáne Gonkongtan arnaıy kelgen halyqaralyq sarapshylar qatysyp, óz tájirıbelerimen bólisedi.

Halyqaralyq kúzgi mekteptiń jumysy 19 qarashada qorytyndylanyp, qatysýshylarǵa arnaıy sertıfıkattar tabystalady.

Ál-Farabı atyndaǵy QazUÝ Baspasóz qyzmeti