28 qazan - Kásipkerler kúni qarsańynda Almatyda TikTok Impact Forum ótti. Forým aıasynda platforma Qazaqstan Respýblıkasy «Atameken» ulttyq kásipkerler palatasymen birlesip, «TikTok áseri: platformanyń Qazaqstandaǵy shaǵyn jáne orta kásipkerlikke yqpaly» atty zertteýdiń jańartylǵan nátıjelerin usyndy. Zertteý nátıjelerine sáıkes, saýalnamaǵa qatysýshylardyń 70%-dan astamy platformany bıznes maqsatynda aıyna keminde bir ret paıdalanady, al 88,3%-y onyń jańa klıentterdi tartýǵa oń áser etetinin atap ótti.
Jetekshi TikTok beıne platformasy Almatyda Impact Forum ótkizdi. İs-shara platformanyń Qazaqstandaǵy kásipkerlik pen ekonomıkany damytýdaǵy róline arnaldy. Baǵdarlamaǵa platformanyń «Atameken» UKP-men birlesip júrgizgen jańartylǵan zertteýiniń nátıjelerin tanystyrý, Qazaqstannyń shaǵyn jáne orta bıznes ókilderi qatysqan paneldik pikirtalas, TikTok for Business sheberlik sabaǵy jáne TikTok-ty ilgeriletý men ósýdi qamtamasyz etý úshin belsendi paıdalanatyn jergilikti brendterdiń kórmesi kirdi.
Birlesken zertteý nátıjelerin ekonomıka ǵylymdarynyń kandıdaty, «Atameken» Ulttyq kásipkerler palatasynyń basqarýshy dırektory – Bıznesti retteý departamentiniń dırektory Dınara Aqynbekova tanystyrdy.
Qatysýshylar kompanıalardyń tanymaldylyqty arttyrý, klıentter tartý, satylymdy damytý jáne jańa naryqtarǵa shyǵý úshin organıkalyq kontentti, avtorlarmen yntymaqtastyqty jáne jarnamalyq quraldardy qalaı paıdalanatynyn talqylady. Forým aıasynda kásipkerler óz ónimderin de tanystyryp, platformada jumys isteý tájirıbesimen bólisti.
Kásipkerler bıznesti damytý úshin TikTok-ty júıelitúrde paıdalanady
TikTok-tyń kásipkerlikke yqpaly týraly zertteý ekinshi jyl qatarynan júrgizilip keledi. Zertteý 2026 jylǵy qyrkúıek–qazan aılarynda Qazaqstannyń barlyq 20 óńirinen 206 kompanıanyń qatysýymen júrgizilgen saýalnamaǵa negizdelgen. Saýalnama jeti salany qamtydy: mádenıet, oıyn-saýyq jáne týrızm; densaýlyq, sulýlyq jáne sport; azyq-túlik jáne azyq-túlikke jatpaıtyn taýarlardy óndirý men satý; qoǵamdyq tamaqtandyrý; bilim berý jáne jyljymaıtyn múlik salasyndaǵy qyzmetter.
2026 jyly saýalnamaǵa qatysqan kásiporyndardyń 43,7%-y TikTok-ty bıznes maqsatynda aı saıyn paıdalanatynyn habarlaǵan. Bul ótken jylǵy uqsas zertteýdegi kórsetkishten (29,5%) 14,2 paıyzdyq tarmaqqa joǵary. Al kásiporyndardyń 27,2%-y platformany apta saıyn nemese odan da jıi paıdalanady. Osylaısha, saýalnamaǵa qatysýshylardyń 70%-dan astamy platformany aıyna keminde bir ret paıdalanady.
Turaqty paıdalaný ártúrli jumys ótili bar kompanıalarǵa tán. Saýalnama nátıjelerine sáıkes, 10 jyldan astam ýaqyt jumys istep kele jatqan kompanıalardyń 31%-y TikTok-ty marketıńtik maqsatta apta saıyn nemese odan da jıi paıdalanady. Bul kórsetkish jas kompanıalar arasyndaǵy kórsetkishterden kem emes: bir jyldan az ýaqyt buryn qurylǵan kásiporyndardyń 15,4%-y TikTok-ty aptasyna keminde bir ret paıdalanady; jumys istep kele jatqanyna bir jyldan úsh jylǵa deıingi kompanıalarda bul kórsetkish 30,8%-dy, úsh jyldan bes jylǵa deıingi kompanıalarda 32,2%-dy, al bes jyldan on jylǵa deıingi kompanıalarda 20%-dy quraıdy.
TikTok tabys kózi retinde
|
Ótken jylǵy zertteýmen salystyrǵanda, TikTok platformasyndaǵy belsendilikten túsetin tabysy jalpy tabysynyń 5%-ynan asatyn saýalnamaǵa qatysqan kompanıalardyń úlesi 12,3 paıyzdyq tarmaqqa artyp, 57,8%-ǵa jetti. Bul rette saýalnamaǵa qatysqan kásiporyndardyń 14,6%-y úshin mundaı tabys jalpy kiristiń 25%-yn nemese odan da kóp bóligin quraǵan. TikTok-ty apta saıyn paıdalanatyn shaǵyn jáne orta kásipkerlik sýbektileriniń(SHOKS) shamamen 11%-y jalpy tabysynyń 50% jáne odan astamy platformadaǵy belsendilikten túsetinin málimdegen. Bul derekter TikTok-taǵy turaqty belsendilik pen kásiporyndardyń osy platformaǵa jatqyzatyn tabys úlesi arasynda oń baılanys bar ekenin kórsetedi. |
|
TikTok klıentterdi tartýǵa jáne básekelester arasynda erekshelenýge kómektesedi
Zertteý derekterine sáıkes, saýalnamaǵa qatysýshylardyń 88,3%-y TikTok jańa klıentter tartýǵa oń yqpal etetinin atap ótken, 83,5%-y platforma klıenttermen ózara árekettesýge oń áser etetinin kórsetken, al 73,3%-y platforma óz bıznesiniń básekelester arasynda erekshelenýine kómektesedi dep sanaıdy. Bul rette platformany paıdalanýdyń eń keń taralǵan tásili organıkalyq kontent bolyp qala beredi: 2026 jyly saýalnamaǵa qatysqan kompanıalardyń 77,6%-y beınematerıaldar jarıalaǵan.
Sonymen qatar, kontent avtorlarymen yntymaqtastyq ornatatyn kásiporyndardyń úlesi aldyńǵy zertteýdegi 10,4%-dan 22,8%-ǵa deıin ósti, al saýalnamaǵa qatysýshylardyń 18,0%-y aqyly jarnamany paıdalanǵan. Bul kórsetkishter óskenine qaramastan, kontent jarıalaý men aqyly quraldardy paıdalaný arasynda aıtarlyqtaı alshaqtyq saqtalyp otyr. Bul shaǵyn jáne orta kásipkerlik sýbektileriniń basym bóligi platformanyń múmkindikterin áli de tolyq paıdalanbaı otyrǵanyn kórsetedi. Demek, sıfrlyq marketıń arqyly odan ári ósý áleýeti zor.
TikTok-qa jumsalatyn shyǵyndardy jalpy qarastyratyn bolsaq, ıaǵnı aqyly jarnama men kontent avtorlarymen yntymaqtastyqty ǵana emes, sonymen qatar kontent óndirýdi, SMM-mamandarynyń jumysyn jáne basqa da marketıńtik qyzmetti eskersek, platformada ilgeriletýge búdjet bóletin saýalnamaǵa qatysqan kompanıalardyń úlesi 2025 jylǵy 62,3%-dan 2026 jyly 75,7%-ǵa deıin ósti.
|
2026 jylǵy saýalnama nátıjesinde, platformanyń marketıńtik búdjettegi úlesi men kásipkerlerdiń ony paıdalanýmen baılanystyratyn tabys úlesi arasyndaǵy oń baılanystyń kúsheıgenin kórsetti. TikTok-qa búdjet bólmeıtin kásiporyndar orta eseppen óz tabysynyń 3,9%-yn osy platformaǵa jatqyzǵan. Al marketıńtik búdjetiniń 70%-dan astam bóligin TikTok-qabaǵyttaıtyn kompanıalar arasynda bul kórsetkish orta eseppen 42,0%-dy quraǵan |
|
TikTok-ty paıdalaný kórsetkishteriniń salalar boıynsha ózgerýi
Derekter TikTok-pen túsiminiń belgili bir bóligin baılanystyratyn kompanıalardyń úlesi saýalnamaǵa qatysqan salalyq toptar arasynda ártúrli ekenin kórsetedi. Aldyńǵy saýalnamamen salystyrǵanda, túsiminiń keminde 5%-yn TikTok platformasymen baılanystyratyn kompanıalar úlesiniń eń joǵary ósimi jyljymaıtyn múlik qyzmetteri salasynda (+40,6 paıyzdyq tarmaq, 66,6%-ǵa deıin), mádenıet, oıyn-saýyq jáne týrızm salalarynda (+24,7 paıyzdyq tarmaq, 60,5%-ǵa deıin), sondaı-aq azyq-túlik taýarlary segmentinde (+18,1 paıyzdyq tarmaq, 56,8%-ǵa deıin) tirkeldi. Qoǵamdyq tamaqtandyrý salasynda (68%) jáne azyq-túlikke jatpaıtyn taýarlar segmentinde (53,5%) turaqty túrde joǵary kórsetkishter saqtalyp otyr. Bul TikTok-ta ilgeriletýdiń tıimdiligi salaǵa baılanysty ózgeretinin, al birqatar salalar úshin platformanyń áleýeti áli de tolyq ashylmaǵanyn kórsetedi.
Kásipkerlerdiń TikTok-pen baılanystyratyn kirisiniń modeldik baǵasy
Kásipkerlerdiń TikTok-pen baılanystyratyn kirisiniń yqtımal aýqymyn baǵalaý úshin zertteýshiler olardyń aınalymy men osy kiristiń úlesi týraly jaýaptaryna, sondaı-aq SHOB sany jónindegi resmı statısıkaǵa negizdelgen model qurdy. Ótken jyldaǵydaı, úsh senarı qarastyryldy: TikTok-ty kásipkerlerdiń 10%-y belsendi paıdalanatyn, olardyń úlesi 15%-dy quraıtyn jáne 20%-ǵa jetetin jaǵdaılar.
Konservatıvti senarı retinde 10% deńgeıi tańdaldy. Bul kórsetkish Ulybrıtanıa men Avstralıany qosa alǵanda, basqa elderde júrgizilgen uqsas zertteýlerdiń nátıjelerine sáıkes keledi. Osy senarıge sáıkes, 2026 jyly TikTok-ty paıdalanýmen baılanysty Qazaqstannyń shaǵyn jáne orta kásipkerlik sýbektileriniń eseptik tabysy shamamen 531,6 mlrd teńgeni qurady. Qamtý deńgeıi 15% bolatyn qalypty senarıde TikTok-qa jatqyzylatyn tabys 797,4 mlrd teńgeni, al qamtý deńgeıi 20% bolatyn jedel sıfrlandyrý senarıinde 1 063,2 mlrd teńgeni quraıdy.
Bul somalardy Qazaqstannyń jalpy ishki ónimimen(JİÓ) salystyrǵanda, olar tıisinshe JİÓ-niń 0,33% / 0,50% / 0,67%-yna teń. Aldyńǵy zertteýde bul kórsetkishter shamamen 0,16% / 0,25% / 0,33% bolǵan. Bul rette atalǵan kórsetkishter platformaǵa baılanysty tabystyń ekonomıkalyq aýqymyn kórsetedi jáne TikTok-tyń eldiń JİÓ-ne tikeleı qosqan úlesiniń baǵasy bolyp tabylmaıdy. Baǵalaýǵa jumys oryndaryn qurý, jetkizý tizbekterin damytý jáne úı sharýashylyqtarynyń tutynýyna yqpal etý sıaqty janama áserler engizilmegen.
Modeldik tabys, modeldik tabystyń JİÓ-geqatynasy jáne SHOK sýbektilerin boljamdy qamtýdeńgeıi negizinde TikTok-qa jatqyzylatyn tabys.
Sandardyń artyndaǵy bıznes tarıhy
TikTok Impact Forum aıasynda jáne zertteý barysynda aýdıtorıasyn keńeıtip, satylym kólemin arttyrý úshin TikTok-ty paıdalanatyn qazaqstandyq kompanıalardyń mysaldary usynyldy. Máselen, Shymkent qalasyndaǵy Al-AN Duken kıim brendi @alan_duken bir jyl ishinde TikTok-taǵy jazylýshylar sanyn shamamen 15 myńǵa, al satylym kólemin shamamen 20%-ǵa arttyrǵan. Kompanıanyń málimetinshe, TikTok-taǵy bir saǵattyq tikeleı efır orta eseppen 15–20 ótinim túsirip, 3-ten 6-ǵa deıin satylymǵa ákeledi.
Shyǵys Qazaqstannan shyqqan tabıǵı bal óndirýshi Lesnoe VKO brendi @lesnoe_vko ónimderi men omarta jumysy týraly organıkalyq kontentke basymdyq berdi. Kompanıa Qazaqstannan tys jerlerde de satyp alýshylar taýyp, eksporttan túsetin tabystyń ósýin TikTok-taǵy brend kontentine sheteldik aýdıtorıanyń qyzyǵýshylyǵymen baılanystyrady.
Doner na Satpayeva fastfýd jelisi @doner_na_satpayeva_ aýdıtorıamen qarym-qatynasornatý quraly retinde TikTok-qa basymdyq berip, utylmady. Búginde kompanıa akkaýntynyń jazylýshylarynyń sany mıllıonnan asady, al kóptegen qonaqtar bul oryn týraly vıdeolardan, sonyń ishinde basqa qalalarda jarıalanǵan vıdeolardan bilip, arnaıy keledi. Tórt jyl ishinde jeli Almatyda 13 núktege deıin keńeıdi, al jaqyn arada jańa qalaǵa shyǵýdy josparlap otyr. Ótken jyly kompanıa TikTok syılyǵyn «Shaǵyn bıznestiń úzdik akkaýnty» nomınasıasy boıynsha aldy. Komandanyń aıtýynsha, tabystyń syry qarapaıym qaǵıdada: kontent shynaıy ári tabıǵı bolýy kerek. Dál osy qasıet aýdıtorıanyń qyzyǵýshylyǵyn saqtap, kezdeısoq kórermendi turaqty qonaqqa aınaldyrady.
|
«Ár bıznestiń óz tarıhy bar. Keıde bári shaǵyn ıdeıadan, otbasylyq isten nemese kútpegen jerden myńdaǵan adamnyń kóńilinen shyǵatyn qysqa vıdeodan bastalady. Jańartylǵan zertteý qazaqstandyq kásipkerlerdiń TikTok-ty barǵan saıyn senimdi ári tıimdi paıdalanyp kele jatqanyn, al platformanyń bıznes úshin tek tanymaldyqty arttyratyn alań ǵana emes, sonymen qatar ilgeriletýge, satylymdy arttyrýǵa jáne bıznesti damytýǵa múmkindik beretin tolyqqandy quralǵa aınalyp kele jatqanyn kórsetedi. Biz kez kelgen aýqymdaǵy bıznestiń TikTok-ta óz aýdıtorıasyn taýyp, onymen birge ósýine múmkindik bergimiz keledi jáne osy maqsatta qoldan kelgenniń bárin jasap jatyrmyz», — TikTok kompanıasynyń Ortalyq Azıa men Shyǵys Eýropadaǵy bıznesti damytý departamentiniń basshysy Iýlıa Kýshnır. |
|
|
«„Atameken“ úshin jańa tehnologıalardyń is júzinde qalaı jumys isteıtinin jáne otandyq kásipkerlerge qandaı múmkindikter beretinin túsiný mańyzdy. Sondyqtan TikTok-pen yntymaqtastyǵymyzdyń negizgi baǵyttarynyń biri bıznestiń tájirıbesin zertteý boldy. Bıyl óńirlik kásipkerler palatalarynyń belsendi qatysýymen zertteýdi jańartyp, qazaqstandyq kompanıalardyń platformany paıdalaný tájirıbesinen naqty mysaldar jınadyq», — dep atap ótti Qazaqstan Respýblıkasy «Atameken» Ulttyq kásipkerler palatasynyń Basqarma tóraǵasynyń orynbasary Aslan Qalıǵazın. |
|
Usynylǵan derekter men jergilikti kompanıalardyń oqıǵalary TikTok-tyń shaǵyn jáne orta bıznes úshin tek tanymaldyqty arttyrý arnasy ǵana emes, sonymen qatar ilgeriletý men ósýdiń praktıkalyq quralyna aınalyp kele jatqanyn kórsetedi.
TikTok týraly
TikTok – qysqa vıdeorolıkterge arnalǵan jetekshi platforma. Bizdiń mısıamyz – adamdardy shyǵarmashylyqqa shabyttandyrý jáne olarǵa qýanysh syılaý.
