Qazaqstanda qyrkúıektiń ekinshi jartysynda jańa joǵary konsýltatıvtik organ – Halyq Keńesi jasaqtalady. Bul týraly Memleket basshysy Qasym-Jomart Toqaev Qazaqstan Respýblıkasy Quryltaıynyń birinshi sesıasynda aıtty, dep habarlaıdy «Qamshy.kz». 

Prezıdenttiń sózinshe, jańa qurylym eldiń etnıkalyq, aımaqtyq, áleýmettik jáne qoǵamdyq-saıası erekshelikterin bir arnaǵa toǵystyrady. 

«Qyrkúıektiń ekinshi jartysynda Halyq Keńesi jasaqtalady. Bul – Qazaqstan tarıhyndaǵy tuńǵysh joǵary konsýltatıvtik organ. Elimizdiń etnıkalyq, aımaqtyq, áleýmettik, qoǵamdyq-saıası erekshelikterin bir arnaǵa toǵystyratyn jańa qurylym zańnamalyq bastama kóterý quqyǵyna ıe bolady. Shyn máninde, bul – biregeı organ.   Osylaısha, qysqa ýaqyttyń ishinde bıliktiń barlyq negizgi ınstıtýttary jańǵyryp, aldaǵy reformalarǵa tyń serpin beredi», - dedi Prezıdent.