Almaty qalasynda memlekettik tilde jarnama jáne kórneki aqparat mátinderin ázirleıtin kopıraıterler men aýdarmashylar arasynda «Kórneki aqparat – kórkem til» qalalyq baıqaýy ótedi.
Baıqaý Almaty qalasy İshki saıasat basqarmasynyń tapsyrysymen «Halyqaralyq «Qazaq tili» qoǵamy» qoǵamdyq birlestiginiń Almaty qalalyq fılıalynyń uıymdastyrýymen ótkiziledi.
Baıqaýdyń maqsaty – jarnama jáne kórneki aqparat salasynda memlekettik tildiń qoldanylý aıasyn keńeıtý, qazaq tilindegi mátinderdiń saýattylyǵy men kórkemdik sapasyn arttyrý, kásibı kopıraıterler men aýdarmashylardyń shyǵarmashylyq eńbegin qoldaý jáne úzdik tájirıbelerin nasıhattaý.
Baıqaýǵa Almaty qalasynda tirkelgen nemese qyzmet atqaratyn kásipkerlik sýbektileriniń, jarnama agenttikteriniń, mekemeler men uıymdardyń kopıraıterleri jáne aýdarmashylary qatysa alady.
Baıqaýǵa buryn jarıalanbaǵan nemese ózge baıqaýlarda júldeli oryn almaǵan avtorlyq jumystar, jarnamalyq jáne kórneki aqparat mátinderi, onyń ishinde mańdaıshalar, bannerler, bılbordtar, aqparattyq taqtalar, baspa, beıne jáne aýdıojarnama, áleýmettik jeliler men ınternet-resýrstarǵa arnalǵan jarnama úlgileri qabyldanady.
Baıqaý onlaın formatta úsh kezeń boıynsha ótkiziledi:
1. Birinshi kezeń – ótinimder men baıqaý jumystaryn qabyldaý, olardyń belgilengen talaptarǵa sáıkestigin tekserý.
2. Ekinshi kezeń – jumystardy saraptaý jáne baǵalaý. Usynylǵan mátinderdiń tildik saýattylyǵy, mazmuny, kórkemdik sapasy men shyǵarmashylyq ereksheligi baǵalanady.
3. Úshinshi kezeń – qorytyndylaý jáne jeńimpazdardy marapattaý. Qazylar alqasynyń sheshimi negizinde úzdik jumystar anyqtalady.
Baıqaýdyń jalpy júlde qory – 1 000 000 teńge. Jeńimpazdar men júldegerler QR memlekettik til saıasatyn iske asyrý aıasynda ótkizilgen konkýrs jeńimpazdaryn marapattaý rásiminde dıplomdarmen men aqshalaı syılyqtarmen marapattalady.
Ótinimderdi qabyldaý merzimi: 2026 jylǵy 24 qarashaǵa deıin.
Marapattaý rásimi ótetin kúni: 2026 jylǵy 9 jeltoqsan
Marapattaý rásimi ótetin orny: Almaty qalasy, Tóle bı kóshesi, 86, akt zaly.
Elektrondyq poshta: kazqogamyalmaty@gmail.com
Baılanys telefony: +7 701 664 2721.