Fransıanyń Syrtqy ister mınıstri Jan-Noel Barronyń aıtýynsha, fransýz sýpermarketterindegi tońazytqyshtar men muzdatqyshtarǵa qazan aıyndaǵy kıbershabýyldardyń artynda Iran Islam revolúsıasynyń saqshylar korpýsy tur.

"Bul bizdiń terıtorıamyzda dıversıa jasaý úshin osyndaı alǵashqy aýqymdy kıbershabýyl boldy jáne bul bizdiń ulttyq múddelerimiz ben Fransıa halqynyń qaýipsizdigine jasalǵan úlken qastandyqty bildiredi", — dedi mınıstr Parıjdegi baspasóz máslıhatynda.

Ol bul kıbershabýyldyń barlyq kinálilerine qarsy jalpy eýropalyq sanksıalar qoldanylatynyn aıtty.  Fransýz mınıstriniń aıtýynsha, SİM-de Irannyń Parıjdegi elshisi "osy óte aýyr áreketke qatty narazylyq bildirý úshin" shaqyrylǵan.

Barro Fransıa "osyǵan uqsas áreketterdi qaıtalaýǵa tyrysatyndardy eskertý" úshin bolǵan jaǵdaıǵa jaýap retinde "kez-kelgen basqa qajetti jáne proporsıonaldy sharalardy" qoldanatynyn aıtty.

Iran Barronyń málimdemesine áli túsinikteme bergen joq.

11-12 qazanda bolǵan jáne búkil Fransıa boıynsha júzdegen sýpermarketterge áser etken kıbershabýyl kezinde hakerler tońazytqysh jabdyqtarynyń temperatýrasyn retteıtin baǵdarlamalyq jasaqtamany baqylaýǵa aldy jáne olardyń temperatýrasyn kóterdi. Zardap shekken sýpermarket jelilerdegi tońazytqytyń temperatýrasy 50 gradýsqa deıin jetken. Bul ónimderdiń nasharlaýyna ákelip, shyǵyn mıllıondaǵan eýrony qurady.

Kıbershabýyl coopérative u jelisiniń 100-den astam sýpermarketterine, sondaı-aq Intermarché jelisiniń 180 dúkenine jáne onyń quramyna kiretin Netto brendine áser etti.