QR Ǵylym jáne joǵary bilim mınıstrligi Londonda ótken London FWD is-sharasy aıasynda Coursera Learning Excellence Award halyqaralyq syılyǵyna ıe boldy. İs-shara Coursera jáne Udemy jetekshi bilim berý tehnologıalyq platformalaryn, sondaı-aq Eýropa, Taıaý Shyǵys jáne Afrıka (EMEA) elderindegi negizgi seriktesterdi biriktirdi.
Marapattaý rásiminde sondaı-aq halyqaralyq EY konsaltıńtik kompanıasy, Ulybrıtanıanyń Nationwide banki jáne Italıanyń bIP tehnologıalyq konsaltıńtik kompanıasy marapattaldy. Coursera kompanıasynyń bas dırektory Greg Harttyń (Greg Hart) jetekshiligimen ótken is-sharaǵa sıfrlyq bilim berýdi damytý jáne bilikti kadrlar daıarlaý baǵytynda jumys isteıtin jetekshi halyqaralyq uıymdardyń basshylary qatysty.
Qazaqstan bul marapatqa halyqaralyq onlaın oqytýdy joǵary bilim berý júıesine ıntegrasıalaý, sondaı-aq qazirgi ekonomıkada suranysqa ıe sıfrlyq quzyretter men jasandy ıntellekt salasyndaǵy daǵdylardy damytý baǵytyndaǵy jetistikteri úshin ıe boldy. Qazaqstan men Coursera arasyndaǵy yntymaqtastyq 2022 jyly bastalǵannan beri birlesken bastama ulttyq joǵary bilim berý júıesin jańǵyrtýdyń strategıalyq mańyzdy baǵyttarynyń birine aınaldy.
Sıfrlyq bilim berýdi damytý – QR Ǵylym jáne joǵary bilim mınıstrligi qyzmetiniń basym baǵyttarynyń biri. Vedomstvoda zamanaýı bilim berý tehnologıalaryn engizý, halyqaralyq onlaın oqytý platformalarymen yntymaqtastyqty keńeıtý, sondaı-aq stýdentterdiń qazirgi eńbek naryǵynda suranysqa ıe sıfrlyq jáne ıkemdi daǵdylaryn qalyptastyrý baǵytynda júıeli jumys júrgizilip keledi.
Mınıstrliktiń joǵary bilim berýdi sıfrlyq transformasıalaý baǵytyndaǵy jumysy buǵan deıin de halyqaralyq deńgeıde moıyndalǵan bolatyn. Atap aıtqanda, 2025 jyly Ǵylym jáne joǵary bilim mınıstri Saıasat Nurbek Coursera Learning Hero Award syılyǵyna ıe boldy. Al 2026 jyly Coursera Learning Excellence Award syılyǵynyń berilýi osy jetistiktiń zańdy jalǵasy bolyp, elimizdiń sıfrlyq bilim berý men jasandy ıntellekt salasyndaǵy ulttyq strategıasynyń júıeli túrde júzege asyrylyp jatqanyn kórsetti. Sonymen qatar bul jetistik stýdentterdiń alǵan bilimderi men daǵdylaryn is júzinde qoldanýyna, kásipkerlerdiń jańa býynyn qalyptastyrýǵa jáne startap ekojúıesin damytýǵa múmkindik beretin bastamalardyń aýqymy keńeıip kele jatqanyn aıǵaqtaıdy.
Coursera Kazakhstan: joǵary bilim berý júıesin jańǵyrtý
Bastamany iske asyrý nátıjesinde qazaqstandyq joǵary oqý oryndarynyń stýdentteri myńdaǵan halyqaralyq onlaın kýrsqa, álemniń jetekshi ýnıversıtetteri men salalyq seriktesteriniń kásibı sertıfıkattaý baǵdarlamalaryna qol jetkizip, tájirıbelik daǵdylaryn jetildirýge múmkindik aldy.
Búgingi tańda Coursera platformasynda 292 myńnan astam bilim alýshy sertıfıkat ıelenip, berilgen sertıfıkattardyń jalpy sany 682 myńnan asty. Oqýǵa jumsalǵan ýaqyttyń jıyntyq kólemi 5,35 mln saǵattan asyp, qazaqstandyq joǵary oqý oryndarynyń bilim berý baǵdarlamalary aıasynda 163 098 akademıalyq kredıt esepke alyndy.
2026 jyly QR Ǵylym jáne joǵary bilim mınıstrligi elimizdiń 100 joǵary oqý ornyna Coursera platformasyn paıdalanýǵa 38 184 lısenzıa bóldi.
Qazirgi ýaqytta elimizdiń 100-den astam ýnıversıteti Coursera kýrstaryn bilim berý baǵdarlamalaryna júıeli túrde engizip, onlaın oqytý nátıjelerin resmı joǵary bilim berý júıesi aıasynda taný tájirıbesin júzege asyrady.
Bilim UpSkill – Coursera platformasynyń Qazaqstandaǵy eksklúzıvti seriktesi.
Tórt jyl ishinde Coursera jobasy Qazaqstanda pılottyq bastamadan ulttyq baǵdarlama deńgeıine deıin ósti. 2026 jyly platforma arqyly 100 joǵary oqý orny bilim alýda. Olardyń qatarynda pedagogıkalyq, agrarlyq, medısınalyq jáne shyǵarmashylyq baǵyttaǵy ýnıversıtetter bar.
