Bilim men ǵylym – memlekettiń órkendeýine jol ashatyn basty qundylyqtardyń biri. Qazirgi jahandaný jáne sıfrlyq damý dáýirinde sapaly bilim berý, básekege qabiletti, jan-jaqty damyǵan tulǵa qalyptastyrý – elimizdiń bilim berý júıesiniń mańyzdy mindeti. Bul baǵytta ustazdardyń kásibı sheberligi men tynymsyz eńbegi erekshe oryn alady. Óıtkeni árbir shákirttiń jetistiginiń artynda ustazdyń bilimi, izdenisi men jaýapkershiligi turady.
Memleket basshysy Qasym-Jomart Toqaev 2026 jylǵy 28 qazandaǵy «Jańa tarıhı kezeńdegi Qazaqstannyń ózekti mindetteri» atty Qazaqstan halqyna Joldaýynda bilim men ǵylymdy damytýǵa, adamı kapıtaldyń sapasyn arttyrýǵa jáne jańa tehnologıalardy meńgergen bilikti mamandar daıarlaýǵa aıryqsha nazar aýdardy. Prezıdent atap kórsetkendeı, elimizdiń bolashaqtaǵy tabysy bilimdi, eńbekqor ári jańashyl azamattardyń áleýetine tikeleı baılanysty. Bul mindetter bilim berý uıymdaryna úlken jaýapkershilik júkteıdi. Ásirese, sıfrlandyrý men jasandy ıntellekt qarqyndy damyǵan kezeńde jastardyń zaman talabyna saı bilim alyp, kásibı daǵdylaryn jetildirýi asa mańyzdy. Búgingi bilim alýshy tek teorıalyq bilimmen shektelmeı, alǵan bilimin tájirıbede qoldana alatyn, jańa tehnologıalardy meńgerýge umtylatyn, ózdiginen izdenetin tulǵa bolyp qalyptasýy tıis. Sondyqtan sapaly bilim berý men sanaly tárbıe berý isi ózara sabaqtastyqta júzege asyrylýy qajet. Osy baǵytta elimizdiń jetekshi joǵary oqý oryndarynyń biri – Ál-Farabı atyndaǵy Qazaq ulttyq ýnıversıteti farabi.university bilim men ǵylymdy damytýǵa, jastardyń sapaly bilim alýyna erekshe kóńil bólip keledi. Ýnıversıtettiń Joǵary oqý ornyna deıingi bilim berý fakúltetine qarasty Joǵary oqý ornyna deıingi daıyndyq kafedrasy da osy mindetterdi júzege asyrýǵa óz úlesin qosýda. Kafedranyń negizgi mindetteriniń biri – shetelden kelgen tyńdaýshylarǵa sapaly bilim berip, olardy joǵary oqý oryndaryna túsýge daıarlaý. Sonymen qatar olardyń jańa bilim berý ortasyna beıimdelýine, elimizdiń mádenıeti men qoǵamdyq ómirine belsendi aralasýyna qolaıly jaǵdaı jasaý da basty nazarda. Oqý úderisinde árbir tyńdaýshynyń bilim deńgeıi, jeke qabileti men qyzyǵýshylyǵy eskeriledi. Sabaqtardy mazmundy ári tıimdi uıymdastyrýmen qatar, olardyń shyǵarmashylyq áleýetin damytýǵa, qoǵamdyq jumystarǵa qatysýyna múmkindik beriledi. Túrli bilim saıystary, mádenı-tanymdyq jáne tárbıelik is-sharalar arqyly tyńdaýshylardyń qabiletteri ashylyp, ózderine degen senimdiligi arta túsedi. Ásirese, shetelden kelgen qandas jastar úshin daıyndyq kezeńiniń mańyzy zor. Bul ýaqyt olardyń bilimin jetildirip qana qoımaı, tarıhı Otanymen jaqynyraq tanysýyna, bolashaq mamandyǵyn sanaly tańdaýyna jáne joǵary oqý ornynyń bilim berý ortasyna beıimdelýine múmkindik beredi. Osy jolda ustazdar tek bilim berýshi ǵana emes, shákirtke baǵyt-baǵdar kórsetetin tálimger qyzmetin de atqarady. Kafedra ujymy úshin eń úlken qýanysh – birneshe aı boıy bilim alǵan tyńdaýshylardyń joǵary nátıjelerge qol jetkizip, memlekettik bilim granttarynyń ıegeri atanýy. Júıeli daıyndyq pen ustazdardyń qajyrly eńbeginiń nátıjesinde bıyl da birqatar tyńdaýshylar ózderi tańdaǵan mamandyqtaryna oqýǵa túsip, stýdent atandy. Bul jetistik – tek shákirttiń jeke tabysy ǵana emes, kafedra oqytýshylarynyń kásibı biliktiligi men birlesken eńbeginiń naqty nátıjesi. Árbir grant ıegeriniń qýanyshy – ustazdar úshin úlken mártebe, al olardyń bolashaqtaǵy jetistikteri – atqarylǵan jumystyń shynaıy baǵasy.
Prezıdent Joldaýynda aıqyndalǵan bilim men ǵylymdy damytý, jastardyń áleýetin arttyrý jáne básekege qabiletti mamandar daıarlaý mindetteri bizdiń kúndelikti jumysymyzben tikeleı úndesedi. Sebebi el bolashaǵy – búgingi bilim alýshy jastardyń qolynda. Olardyń sapaly bilim alyp, qoǵamnan óz ornyn tabýyna jaǵdaı jasaý – árbir ustazdyń kásibı ári azamattyq paryzy. Ustaz eńbeginiń qundylyǵy shákirtiniń alǵan bilimimen, ómirden óz ornyn tabýymen jáne qoǵamǵa qosqan úlesimen ólshenedi. Sondyqtan bilim berý men tárbıeleý isindegi sabaqtastyqty saqtaý, árbir jastyń qabiletin damytý jáne olardyń bolashaǵyna jol ashý – kafedra ujymynyń basty ustanymdarynyń biri.
Búgingi tyńdaýshy – erteńgi bilikti maman. Al bilimdi, izdenimpaz, otanshyl jas urpaq – elimizdiń turaqty damýy men jarqyn bolashaǵynyń berik kepili. Memleket basshysy aıqyndaǵan mindetterdi júzege asyrý jolynda árbir ustazdyń eńbegi men árbir shákirttiń jetistigi mańyzdy. Óıtkeni shákirt tabysy – ustaz eńbeginiń jemisi, al bilimdi urpaq – memleketimizdiń basty baılyǵy.
Ál-Farabı atyndaǵy Qazaq ulttyq ýnıversıteti
Joǵary oqý ornyna deıingi bilim berý fakúlteti
Joǵary oqý ornyna deıingi daıyndyq kafedrasynyń oqytýshysy
Ibragımova M.N., Tıleýjanova G.T., Mýjıgova G.M.
