Oqıǵa ornynan túsirilgen fotosýretter Threads áleýmettik jelisinde jarıalandy. Kadrlardan ǵımarat shatyrynyń edáýir bóligi bólshektelip, qurylymnyń ishine qulaǵanyn kórýge bolady. Sondaı-aq jelide oqıǵa bolýy múmkin sát túsirilgen túngi kadrlar da tarady.
QazUÝ Almatydaǵy Ý.A. Joldasbekov atyndaǵy Stýdentter saraıynyń shatyrynyń opyrylǵany týraly jarıalanymǵa pikir bildirdi. Alaıda ýnıversıtet ókilderi rekonstrýksıa kezinde shatyrdyń naqty qandaı sebeppen qulaǵanyn jáne jumystardy qaı uıym júrgizip jatqanyn naqtylamady.
Ýnıversıtet málimetinshe, ǵımarat buǵan deıin qurylys normalary talaptaryna sáıkes kelmeıtin birqatar eleýli buzýshylyqtarmen paıdalanýǵa berilgen. Kóptegen aqaýdy árleý qabatyn almaı, tek kózben anyqtaý múmkin bolmaǵan.
Stýdentter saraıy paıdalanýǵa berilgenine shamamen 30 jyl bolǵanymen, osy ýaqyt aralyǵynda ǵımaratqa kúrdeli jóndeý nemese rekonstrýksıa júrgizilmegen.
Aıta keteıik, Stýdentter saraıy ornalasqan «QazUÝgrad» aýmaǵyn jańartý jospary 2023 jyldan beri talqylanyp keledi. 2025 jylǵy qańtarda munda segiz jańa korpýs, jeti qabatty ýnıversıtet klınıkasy, 10 myń adamǵa arnalǵan jataqhanalar, oqytýshylarǵa arnalǵan turǵyn úıler men apartamentter salý josparlanǵany habarlanǵan.
2024 jyldyń sońynda saraıdyń qasbetindegi rakýshechnık qabaty alyna bastaǵan. Keıin bul jumystardyń zańsyz júrgizilgeni jáne restavrasıanyń Almaty qalasynyń mádenıet basqarmasymen kelisilmegeni anyqtalǵan.
