Quryltaı depýtattary Erlan Karınniń Qazaqstannyń vıse-prezıdenti laýazymyna kandıdatýrasyn qoldady, dep habarlaıdy Qamshy.kz.
Vıse-prezıdentti prezıdent taǵaıyndaıdy. Biraq oǵan Quryltaıdyń kelisimi kerek. Osy oraıda Memleket basshysy Qasym-Jomart Toqaev vıse-prezıdent laýazymyna Erlan Qarınniń kandıdatýrasyn usyndy.
Erlan Tynymbaıuly Qarın osyǵan deıin Prezıdenti ákimshiligi basshysynyń birinshi orynbasary qyzmetinde boldy.
Bilimi:
- K. Jubanov atyndaǵy Aqtóbe memlekettik ýnıversıtetin «Tarıh jáne geografıa» mamandyǵy boıynsha bitirdi. «Tarıh jáne geografıa pániniń muǵalimi» biliktiligi berildi (1996 j);
- Ál-Farabı atyndaǵy Qazaq memlekettik ýnıversıteti Fılosofıa jáne saıasattaný fakúltetiniń aspırantýrasyn bitirdi (1999 j).
Eńbek joly:
- Aqtóbe qalasynyń № 33 mektebinde geografıa jáne tarıh pánderiniń muǵalimi (1996 j);
- Qazaqstan damý ınstıtýtynda saıası zertteýler ortalyǵynyń qyzmetkeri, Qytaı jáne Reseı ınstıtýty dırektorynyń orynbasary (1998 j);
- Ortalyq Azıa saıası zertteýler agenttiginiń dırektory (2000 j);
- QR Premer-mınıstriniń shtattan tys keńesshisi (2002 j);
- Respýblıkalyq «Asar» partıasy tóraǵasynyń birinshi orynbasary, Zamanaýı saıasat halyqaralyq ınstıtýtynyń bas dırektory (2003 j);
- Antıterrorıstik baǵdarlamalar ortalyǵynyń basshysy (2004 j);
- Mańǵystaý oblysy ákiminiń saıası máseleler jónindegi keńesshisi (2006 j);
- QR Prezıdentiniń Ákimshiligi İshki saıasat bóliminiń meńgerýshisi (2008 j);
- «Nur Otan» partıasynyń strategıalyq damý boıynsha hatshysy (2008 j);
- Vashıngtondaǵy (AQSH) Amerıka ýnıversıtetiniń arnaıy shaqyrylǵan profesory (2013 j);
- QR Prezıdenti janyndaǵy Qazaqstan strategıalyq zertteýler ınstıtýtynyń dırektory (2014 j);
- «Qazaqstan» RTRK» aksıonerlik qoǵamynyń basqarma tóraǵasy (2017 j);
- QR Prezıdentiniń keńesshisi (2019 j. sáýir — 2020 j. shilde);
- QR Prezıdentiniń kómekshisi (2020 j. shildeden bastap);
- QR Memlekettik hatshysy (2022 j);
- QR Memlekettik keńesshisi (2022-2026 j).
Aıta keteıik, birinshi shaqyrylymdaǵy Quryltaıdyń birinshi sesıasyn ashqan Qasym-Jomart Toqaev Vıse-prezıdenttiń jáne Premer-mınıstrdiń kandıdatýralary boıynsha usynysty qashan engizetinin aıtty.
