Búgin 23 tamyz Qazaqstannyń saıası tarıhynda jańa kezeń bastaldy. Elimizde Quryltaı depýtattarynyń alǵashqy saılaýy ótip jatyr. Bul – jańa memlekettik qurylym aıasynda zań shyǵarý bıligin júzege asyratyn bir palataly joǵary ókildi organdy qalyptastyrýǵa baǵyttalǵan alǵashqy saılaý.
Búgin biz Almaty qalasyndaǵy saılaý ýchaskeleriniń birine baryp, turǵyndardyń Quryltaı depýtattaryn saılaýǵa qatysyp, óz tańdaýyn jasaǵan sátine kýá boldyq. Qalanyń qaq ortasynda, Ulttyq kitaphana ǵımaratynda ornalasqan saılaý ýchaskesinde de azamattardyń qarasy qalyń, bári belsendi túrde daýys berý rásimine qatysyp jatyr.
Quryltaı quramyna partıalyq tizim boıynsha 145 depýtat bes jyl merzimge saılanady. Saılaýǵa jeti saıası partıa qatysýda. Olar:
- «Ádilet» partıasy
- Jalpyulttyq sosıal-demokratıalyq partıasy
- Qazaqstannyń «Baıtaq» jasyldar partıasy
- «Qazaqstan Halyq partıasy»
- «Aýyl» partıasy
- «Aq jol» Qazaqstannyń Demokratıalyq partıasy
- «Respublica» partıasy.
Aıta keteıik, ortalyq saılaý komısıasynyń saǵat 10:00-degi aldyn ala derekteri boıynsha, elimiz boıynsha daýys berý quqyǵy bar azamattardyń 17,96%-y óz tańdaýyn jasap úlgerdi.
Respýblıkalyq statısıka málimetteri (qazirgi aqparat):
Saılaýshylardyń jalpy sany: 12 605 788 adam.
Daýys berýge qatysqandar: 2 264 411 azamat.
Óńirler arasyndaǵy belsendilikke toqtalsaq, tańǵy saǵattarda Qyzylorda oblysy (22,91%), Qaraǵandy oblysy (21,06%) jáne Jetisý oblysy (20,87%) kósh bastap tur. Al megapolıster arasynda Almaty qalasy (9,96%) ázirge báseńdeý kórsetkish kórsetip tur.
Eske sala keteıik, elimizdiń barlyq saılaý ýchaskelerinde daýys berý prosesi keshki saǵat 20:00-ge deıin jalǵasady.
