Almaty qalasynda 2026 jyldyń 3 jeltoqsanynda deıin mektepke deıingi jastaǵy balalarǵa arnalǵan qazaq tilindegi úzdik beınerolıkter men anımasıalyq kontentti anyqtaýǵa baǵyttalǵan «Sábılerdi sóıleteıik» qalalyq baıqaýy ótedi.
Baıqaý Almaty qalasy İshki saıasat basqarmasy Tilderdi damytý jáne onomastıka bóliminiń tapsyrysymen «Halyqaralyq «Qazaq tili» qoǵamy» qoǵamdyq birlestiginiń Almaty qalalyq fılıalynyń uıymdastyrýymen ótkiziledi.
Baıqaýdyń maqsaty – áleýmettik jelilerde qazaq tilindegi sapaly balalar kontentin, ásirese anımasıalyq jáne tanymdyq beınerolıkterdi kóbeıtý arqyly mektepke deıingi jastaǵy balalardyń ana tilinde erkin ári durys sóıleý daǵdylaryn damytýǵa yqpal etý.
Baıqaýǵa elimizdiń barlyq óńirinen jas ereksheligine qaramastan ata-analar, ata-ájeler, tárbıeshiler, shyǵarmashylyqpen aınalysatyn azamattar jáne ózge de nıet bildirýshiler qatysa alady.
Qatysýshylar balalarǵa arnalǵan qazaq tilindegi tanymdyq, tárbıelik mazmundaǵy beınerolıkter men anımasıalyq jumystaryn áleýmettik jelilerde jarıalap, uıymdastyrýshylardyń resmı paraqshalaryn belgileýi qajet.
Baıqaý jumystaryn belgili pedagogter, ádistemeshi-ǵalymdar, qoǵamdyq uıymdardyń ókilderi jáne kásibı rejıser-oqytýshylardan quralǵan qazylar alqasy baǵalaıdy.
Baıqaý qorytyndysy boıynsha Bas júlde, İ, İİ jáne İİİ oryn ıegerleri dıplomdarmen jáne baǵaly syılyqtarmen marapattalady. Barlyq qatysýshylarǵa alǵys hattar men estelik syılyqtar tabystalady.
Atalǵan joba qazaq tilindegi balalar kontentiniń sapasy men qoljetimdiligin arttyrýǵa, búldirshinderdiń sózdik qoryn baıytýǵa, ulttyq qundylyqtardy dáripteýge jáne áleýmettik jelilerde memlekettik tildiń qoldanylý aıasyn keńeıtýge baǵyttalǵan.
Beınerolıkterdi qabyldaý merzimi: 2026 jyldyń 3 jeltoqsanyna deıin ().
Uıymdastyrýshylardyń resmı paraqshalary:
Almaty qalasy İshki saıasat basqarmasy Instagram: @almaty_til
«Halyqaralyq «Qazaq tili» qoǵamy» qoǵamdyq birlestiginiń Almaty qalalyq fılıaly:
Instagram: @almaty_qazaq_tili_qogamy
TikTok: @almaty_qazaq_tili_qogamy
YouTube: @almaty_qazaq_tili_qogamy