İİM-niń burynǵy komıtet tóraǵasy baǵynyshty qyzmetkerin jynystyq qatynasqa májbúrlegeni úshin sottaldy

    Ferýza Mádenıet
    İİM-niń burynǵy komıtet tóraǵasy baǵynyshty qyzmetkerin jynystyq qatynasqa májbúrlegeni úshin sottaldy avtor

    Qazaqstan İİM Esirtki qylmysyna qarsy is-qımyl komıtetiniń burynǵy tóraǵasy Danıar Meırhan baǵynyshty qyzmetkerin jynystyq qatynasqa májbúrlegeni úshin sottaldy. Astana qalasynyń qylmystyq ister jónindegi aýdanaralyq soty oǵan 6 mıllıon teńgege jýyq aıyppul saldy. Bul týraly jýrnalıs Mıhaıl Kozachkov óziniń Telegram-arnasynda habarlady.

    Jýrnalısiń málimetinshe, sot Danıar Meırhandy Qylmystyq kodekstiń 123-baby boıynsha kináli dep tanyǵan. Tergeý materıaldaryna sáıkes, ol 2025 jyldyń sáýir-qarasha aılary aralyǵynda qyzmettik ornynda ózine baǵynyshty áıeldi jynystyq sıpattaǵy áreketterge májbúrlegen.

    Jábirlenýshi jumystan aıyrylyp qalýdan qorqyp, psıhologıalyq qysymǵa baılanysty onyń talabyna kónýge májbúr bolǵany aıtyldy.

    Sotta aıyptalýshynyń kinási jábirlenýshi men kýágerlerdiń kórsetýleri, notarıaldy kýálandyrylǵan hat almasýlar jáne mamannyń qorytyndysy negizinde dáleldengen.

    Soǵan qaramastan, Danıar Meırhan taǵylǵan aıypty moıyndamaǵan. Sot úkimi ázirge zańdy kúshine engen joq.

    Eske salaıyq, 8 sáýirde Meırhannyń İİM Esirtki qylmysyna qarsy is-qımyl komıtetiniń tóraǵasy qyzmetinen shettetilgeni habarlanǵan. Al 4 mamyrda advokat Álıa Jamanbaeva oǵan qatysty qylmystyq istiń toqtatylǵanyn málimdegen.

    Qatysty tegter :

    Qatysty Maqalalar

    QUDAIY ASTA YSYRAPQA JOL BERMEIİK

    QUDAIY ASTA YSYRAPQA JOL BERMEIİK

    18:12, 05 qarasha 2026