Almatyda «Qazaq tildi qyzmetshi» qalalyq konkýrsy ótedi

    Bıfat Eltaeva
    Almatyda «Qazaq tildi qyzmetshi» qalalyq konkýrsy ótedi foto: Avtor

    2026 jylǵy 30 qarashada Almaty qalasynda memlekettik organdar men mekemelerdiń qyzmetkerleri arasynda «Qazaq tildi qyzmetshi» qalalyq konkýrsy ótedi.
    Konkýrs Almaty qalasy İshki saıasat basqarmasynyń  tapsyrysymen «Halyqaralyq «Qazaq tili» qoǵamy» qoǵamdyq birlestiginiń Almaty qalalyq fılıalynyń uıymdastyrýymen ótkiziledi.
    Konkýrstyń maqsaty – memlekettik mekemelerde qazaq tiliniń qoldanylý aıasyn keńeıtý, qyzmetkerlerdiń tildik jáne kásibı quzyrettiligin arttyrý, memlekettik tildi qyzmet barysynda tıimdi qoldanatyn bilikti mamandardy anyqtaý, qoldaý jáne olardyń ozyq tájirıbesin nasıhattaý.
    Konkýrsqa Almaty qalasynyń memlekettik organdary, jergilikti atqarýshy organdary, memlekettik mekemeleri men búdjettik uıymdarynyń qyzmetkerleri qatysa alady. Negizgi kezeńde 24 úmitker baq synaıdy.
    Konkýrs úsh kezeń boıynsha ótkiziledi:
    1.    «Til – qyzmet aınasy» – qatysýshylardyń kásibı qyzmeti men memlekettik tildi qoldaný tájirıbesin tanystyrýy.
    2.    «İskerlik til – kásibı biliktilik» – resmı-iskerlik jaǵdaıattar boıynsha tapsyrmalar oryndaý jáne kásibı tildik daǵdylaryn kórsetý.
    3.    «Sóz tapqanǵa qolqa joq» – qatysýshylardyń sheshendik sheberligin, oı ushqyrlyǵyn jáne sóıleý mádenıetin baǵalaý.
    Úmitkerlerdiń bilimin til bilimi, memlekettik til jáne memlekettik basqarý salasynyń mamandarynan quralǵan qazylar alqasy baǵalaıdy.
    Konkýrstyń jalpy júlde qory – 1 000 000 teńge.
    Atalǵan is-shara memlekettik qyzmet salasynda qazaq tiliniń mártebesin arttyrýǵa, kásibı qarym-qatynas mádenıetin jetildirýge jáne memlekettik tilde sapaly qyzmet kórsetý tájirıbesin damytýǵa baǵyttalǵan.
    Ótetin kúni: 2026 jylǵy 30 qarasha
    Ótetin orny: Almaty qalasy, Dostyq dańǵyly, 13, M. Áýezov atyndaǵy №102 konferens-zal.
    Ótinimderdi qabyldaý merzimi: 2026 jylǵy 26 qarashaǵa deıin
    Elektrondyq poshta: kazqogamyalmaty@gmail.com, kazqogam1@gmail.com Dilmuratqyzy Aqerke 
    Baılanys telefony: +7 701 664 2721

    Qatysty Maqalalar