Almaty qalasynda 2026 jylǵy 1 jeltoqsan kúni memlekettik mekeme qyzmetkerleri men joǵary oqý oryndary jastary arasynda qazaq, orys jáne aǵylshyn tilderin jetik meńgergen úzdik qatysýshylardy anyqtaýǵa baǵyttalǵan «Til sheberi» qalalyq baıqaýy ótedi.
Baıqaý Almaty qalasy İshki saıasat basqarmasynyń tapsyrysymen «Halyqaralyq «Qazaq tili» qoǵamy» qoǵamdyq birlestiginiń Almaty qalalyq fılıalynyń uıymdastyrýymen ótkiziledi.
Baıqaýdyń maqsaty – memlekettik mekeme qyzmetkerleri men joǵary oqý oryndary jastarynyń qazaq, orys jáne aǵylshyn tilderin meńgerýge degen qyzyǵýshylyǵyn arttyrý, tildik quzyrettiligin damytý, til mádenıetin jetildirý jáne kóptildi tulǵanyń kásibı ári jeke damýyna yqpal etý.
Baıqaýǵa Almaty qalasyndaǵy memlekettik mekemelerdiń qyzmetkerleri men joǵary oqý oryndarynyń stýdentteri qatysa alady.
Baıqaý úsh kezeńnen turady: İ kezeń – «Sóztanym» (qazaq tilinde), İİ kezeń – «Eltanym» (orys tilinde), İİİ kezeń – «Oıtanym» (aǵylshyn tilinde).
Qatysýshylardyń bilimi men sheberligin qazylar alqasy baǵalap, jeńimpazdar sol kúni anyqtalady. Úzdik dep tanylǵan qatysýshylar men olardyń jumystary týraly aqparat buqaralyq aqparat quraldarynda keńinen nasıhattalyp, baıqaý nátıjeleri ınternet-resýrstar men merzimdi basylymdarda jarıalanady.
İs-sharaǵa memlekettik qyzmetshiler, aqyn-jazýshylar, óner qaıratkerleri, saıası partıalar men úkimettik emes uıymdardyń ókilderi, BAQ tilshileri, qala turǵyndary, stýdent jastar men oqýshylar shaqyrylady.
Atalǵan joba kóptildilik mádenıetin qalyptastyrýǵa, qazaq, orys jáne aǵylshyn tilderin meńgerý daǵdylaryn jetildirýge, sondaı-aq úsh tildi erkin meńgerip, olardy kásibı qyzmetinde tıimdi qoldana biletin bilikti mamandardy anyqtaýǵa, qoldaýǵa jáne yntalandyrýǵa baǵyttalǵan.
Ótetin orny men ýaqyty: 2026 jylǵy 1 jeltoqsan saǵat 10:00 (qatysýshylardy tirkeý 09:30-da bastalady), Almaty qalasy, Dostyq dańǵyly, 13, M. Áýezov atyndaǵy №102 konferens-zal.
Ótinim qabyldaý merzimi: 2026 jylǵy 27 qarashaǵa deıin kazqogamyalmaty@gmail.com, qazaq.tilshehiri2026@gmail.com (Bota Bakytjanovna) elektrondy poshtasy arqyly.
Baılanys telefony: +7 701 664 2721
Uıymdastyrýshylardyń resmı paraqshalary:
Almaty qalasy İshki saıasat basqarmasy Tilderdi damytý jáne onomastıka bólimi:
Instagram: @almaty_til
«Halyqaralyq «Qazaq tili» qoǵamy» qoǵamdyq birlestiginiń Almaty qalalyq fılıaly:
Instagram: @almaty_qazaq_tili_qogamy
TikTok: @almaty_qazaq_tili_qogamy
YouTube: @almaty_qazaq_tili_qogamy